اوگرا نے ایل پی جی کی قیمت میں 17 روپے 74 پیسے فی کلو کمی کر دی

ایل پی جی کی قیمت میں بڑی کمی

اسلام آباد (ڈیلی پاکستان آن لائن) آئل اینڈ گیس ریگولیٹری اتھارٹی نے ایل پی جی کی قیمت میں بڑی کمی کر دی اور نوٹیفکیشن بھی جاری کردیا۔

یہ بھی پڑھیں: پاکستان کو بنتے اپنی آنکھوں سے دیکھا، چلڈرن مسلم لیگ بنائی، بَٹ کے رہے گا ہندوستان، بن کے رہے گا پاکستان“کے نعرے لگاتے رہے

نئی قیمتوں کا اعلان

نوٹیفکیشن کے مطابق ایل پی جی کی قیمت میں 17 روپے 74 پیسے فی کلو کمی کی گئی ہے اور 11.8 کلو کا گھریلو سلنڈر 209 روپے 24 پیسے سستا کر دیا گیا ہے۔

یہ بھی پڑھیں: امریکی ارکان کانگریس کی بانی سے ملاقات سے متعلق میرے سامنے کوئی بات نہیں ہوئی:عاطف خان

گھریلو سلینڈر کی نئی قیمتیں

اوگرا نے بتایا کہ اگست کے لیے گھریلو سلینڈر کی قیمت 2541 روپے 36 پیسے مقرر کردی گئی ہے جبکہ جولائی میں گھریلو سلنڈر کی قیمت 2750 روپے 60 پیسے تھی۔

ایل پی جی کی فی کلو قیمت

نوٹیفکیشن کے مطابق جولائی میں ایل پی جی کی فی کلو قیمت 233 روپے مقرر تھی، جبکہ اگست کے لیے ایل پی جی کی فی کلو قیمت 215 روپے 36 پیسے مقرر کی گئی ہے۔