وزیراعلیٰ خیبرپختونخوا نے ’’علم پیکٹ پروگرام‘‘ کا اجراء کردیا
پشاور میں علم پیکٹ پروگرام کا آغاز
پشاور (ڈیلی پاکستان آن لائن) وزیراعلیٰ خیبرپختونخوا علی امین گنڈاپور نے ’’علم پیکٹ پروگرام‘‘ کا اجراء کردیا۔
تعلیم کے لئے بجٹ کا 21 فیصد مختص
’’جیو نیوز‘‘ کے مطابق علی امین گنڈاپور نے کہا کہ ہماری حکومت کا مشن بچوں کو معیاری تعلیم دینا ہے، بجٹ کا 21 فیصد ابتدائی و ثانوی تعلیم کے لئے رکھا گیا ہے۔ گزشتہ سال سکول سے باہر 13 لاکھ بچوں کو سکولوں میں داخل کروایا گیا اور رواں سال مزید 10 لاکھ بچوں کو سکولوں میں داخل کرانے کا ہدف مقرر کیا گیا ہے۔
سرکاری سکولوں میں مفت کتابیں اور سٹیشنری
وزیراعلیٰ خیبرپختونخوا نے مزید کہا کہ سرکاری سکولوں میں بچوں کو مفت کتابیں، سٹیشنری اور بیگز کی فراہمی کا منصوبہ شروع کیا جا رہا ہے۔
