فارسٹ گارڈز ماحولیاتی ہیرو ہیں : وزیر اعلیٰ پنجاب کاخصوصی پیغام

وزیراعلیٰ پنجاب کا بیان

لاہور (ڈیلی پاکستان آن لائن) وزیراعلیٰ پنجاب مریم نواز نے کہا ہے کہ فارسٹ گارڈز ہمارے ماحولیاتی ہیرو ہیں۔ پنجاب میں ماحولیاتی توازن کی بحالی میں فارسٹ رینجرز کا کردار انتہائی اہم ہے۔

یہ بھی پڑھیں: چین کسی ملک کو پاکستان کی سرحدوں یا خود مختاری کو پامال کرنے کی اجازت نہیں دیگا

فارسٹ رینجرز کا عالمی دن

وزیراعلیٰ مریم نواز نے (فارسٹ) رینجرز کے عالمی دن پر اپنے خصوصی پیغام میں کہا کہ فارسٹ رینجرز کا دن منانے کا مقصد جنگلات کے تحفظ کے لیے اقدامات پر عوامی شعور بیدار کرنا ہے۔ جنگلات کے تحفظ کے لیے رینجرز کی خدمات قابل تحسین ہیں۔ جنگلات کا تحفظ قومی مفاد کا معاملہ ہے، عوام کو رینجرز سے بھرپور تعاون کرنا چاہیے۔

پنجاب میں فارسٹ رینجرز کی خدمات

وزیراعلیٰ مریم نواز نے کہا کہ پنجاب میں فارسٹ رینجرز جنگلات کے تحفظ کے لیے قابل قدر کردار ادا کر رہے ہیں۔ قدرتی وسائل کے تحفظ میں رینجرز کی خدمات ناقابلِ فراموش ہیں۔ رینجرز کی تربیت اور کارکردگی میں مزید بہتری پنجاب حکومت کا عزم ہے۔ حکومتِ پنجاب، عوام اور رینجرز مل کر سرسبز پاکستان کے لیے کوشاں ہے۔