ٹرمپ کی دھمکی کے بعد بھارت نے ایف 35 طیارے خریدنے میں عدم دلچسپی ظاہر کر دی
بھارت کی امریکی لڑاکا جیٹ خریدنے میں عدم دلچسپی
نئی دہلی(ڈیلی پاکستان آن لائن ) بھارت نے ٹیرف کے معاملے پر امریکی صدر ڈونلڈ ٹرمپ کی دھمکی کے بعد ففتھ جنریشن ایف 35 اسٹیلتھ لڑاکا جیٹ خریدنے میں عدم دلچسپی ظاہر کردی ہے۔
یہ بھی پڑھیں: مانچسٹر میں ٹریفک حادثہ، 3 پاکستانی نوجوان جاں بحق
ٹیرف کا اثر
بلوم برگ کی رپورٹ کے مطابق صدر ڈونلڈ ٹرمپ کی طرف سے بھارتی درآمدات پر 25 فیصد ٹیرف کے اعلان کے بعد بھارتی حکومت نے امریکا کو مطلع کیا ہے کہ وہ امریکا سے ففتھ جنریشن ایف 35 اسٹیلتھ لڑاکا جیٹ خریدنے میں دلچسپی نہیں رکھتا۔
یہ بھی پڑھیں: غیرقانونی کال سینٹر چلانے کے مقدمے میں ملزم ارمغان کی درخواستِ ضمانت منظور
دفاعی ساز و سامان کی خریداری کا مستقبل
رپورٹ میں بتایا گیا ہے کہ بھارتی حکومت امریکی صدر کو خوش کرنے کیلئے امریکا سے بعض اشیاء کی خریداری بڑھانے پر غور کر رہی ہے، تاہم اس میں ایف 35 لڑاکا طیاروں سمیت دفاعی ساز و سامان کی خریداری شامل نہیں ہے۔
یہ بھی پڑھیں: سینیٹ، پاکستان ریلوے کی 2355 جائیدادوں پر ناجائز قبضے کا انکشاف
مودی اور ٹرمپ کی بات چیت
یہ بات قابل غور ہے کہ رواں سال کے آغاز میں نریندر مودی کے وائٹ ہاؤس دورے کے دوران صدر ٹرمپ نے بھارت کو ففتھ جنریشن کے لڑاکا طیارے فروخت کرنے کی پیشکش کی تھی، جس پر مودی نے غور کرنے کا وعدہ کیا تھا۔
بھارت کا جوابدہی کا موقف
رپورٹ میں مزید بتایا گیا ہے کہ بھارت ٹرمپ ٹیرف کے خلاف فوری طور پر کوئی جوابی اقدام کرنے کی پوزیشن میں نہیں ہے، اور نہ ہی بھارت امریکا کو ناراض کرنا چاہتا ہے۔ بھارت امریکا کے ساتھ دو طرفہ تجارتی بات چیت جاری رکھنے کا بھی خواہش مند ہے۔
