حکومت نے پیٹرول اور ڈیزل پر لیوی ٹیکس میں اضافہ کر دیا

وفاقی حکومت کاپیٹرول اور ہائی اسپیڈ ڈیزل پر لیوی میں اضافہ

لاہور (ڈیلی پاکستان آن لائن) وفاقی حکومت نے مہنگائی کے مارے عوام پر ایک اور بوجھ ڈالنے کا فیصلہ کیا ہے، جس کے تحت پیٹرول اور ہائی اسپیڈ ڈیزل پر فی لیٹر پیٹرولیم لیوی میں 2 روپے 50 پیسے کا اضافہ کیا گیا ہے۔

یہ بھی پڑھیں: امریکا کا شام کی کشیدہ صورتحال سے کوئی لینا دینا نہیں: ڈونلڈ ٹرمپ

نئی لیوی کی تفصیلات

سرکاری دستاویزات کے مطابق ہائی اسپیڈ ڈیزل پر لیوی کو 74 روپے 51 پیسے سے بڑھا کر 77 روپے 01 پیسہ فی لیٹر کر دیا گیا ہے۔ اسی طرح، پیٹرول پر لیوی کو 75 روپے 52 پیسے سے بڑھا کر 78 روپے 02 پیسے فی لیٹر مقرر کیا گیا ہے۔

یہ بھی پڑھیں: وزیراعلیٰ مریم نواز کا مسجد پر اپنی تصویر لگانے کا سخت نوٹس،ڈپٹی کمشنر منڈی بہاؤالدین سے وضاحت طلب

اضافی مالی دباؤ

ذرائع کے مطابق وفاقی حکومت پیٹرول اور ہائی اسپیڈ ڈیزل پر علاحدہ سے 2 روپے 50 پیسے فی لیٹر "کلائمٹ سپورٹ لیوی" بھی وصول کر رہی ہے، جو عوام کے لیے اضافی مالی دباؤ کا باعث بن رہی ہے۔

یہ بھی پڑھیں: کولمبیا نے بھارتی سفارتی وفد کے بیان کی تردید کردی

پیٹرول اور ہائی اسپیڈ ڈیزل کی قیمتوں میں تبدیلی

یاد رہے کہ پیٹرول کی قیمت 7 روپے 54 پیسے فی لیٹر کم کرکے 272 روپے 15 پیسے سے 264 روپے 61 پیسے فی لیٹر کردی گئی ہے۔

دوسری جانب، ہائی اسپیڈ ڈیزل کی قیمت میں ایک روپے 48 پیسے فی لیٹر اضافہ کیا گیا ہے، جس کے بعد ہائی اسپیڈ ڈیزل کی قیمت 285 روپے 93 پیسے ہوگئی ہے، جبکہ اس سے قبل یہ قیمت 284 روپے 35 پیسے تھی۔