گلیات میں روڈ کلیئرنس کا نظام تیز رفتار بنا دیا گیا، ’’کائٹ پراجیکٹ‘‘ کی جانب سے جدید مشینری فراہم
پشاور: روڈ کلیئرنس کا نظام مزید مؤثر بنایا گیا
وزیراعلیٰ خیبرپختونخوا علی امین گنڈاپور کے ویژن اور محکمہ سیاحت کے سیکرٹری ڈاکٹر عبدالصمد کی ہدایات کے مطابق، گلیات میں لینڈ سلائیڈنگ اور برفباری کی صورت میں روڈ کلیئرنس کے نظام کو مزید مؤثر اور تیز رفتار بنا دیا گیا ہے۔ اب کسی بھی ہنگامی صورت حال میں ٹریفک کو دنوں یا گھنٹوں کی بجائے منٹوں میں بحال کیا جاتا ہے، تاکہ سیاحوں کو کسی قسم کی دشواری کا سامنا نہ کرنا پڑے۔
یہ بھی پڑھیں: جے یو آئی، جماعت اسلامی اتحاد سے حکومت کو خطرہ؟ سپیکر ملک محمد احمد خان نے تبصرہ کر دیا
جدید مشینری کی فراہمی
گلیات ڈویلپمنٹ اتھارٹی کے انجینئر ساجد محمود کے مطابق صوبائی حکومت کے محکمہ سیاحت کے ’’کائٹ پراجیکٹ‘‘ کی جانب سے گلیات کو جدید مشینری فراہم کی گئی ہے، جس کی بدولت لینڈ سلائیڈنگ یا برفباری کی صورت میں 10 دن تک بند رہنے والے روڈ کو منٹوں میں کھولا جاتا ہے۔ کسی بھی ایمرجنسی کی صورت میں ہمارا ریسپانس ٹائم 5 منٹ ہے، ہماری ٹیم 24 گھنٹے الرٹ رہتی ہے۔
یہ بھی پڑھیں: اسلام آباد میں کنٹینر سٹی کے قیام کے لیے 700 کنٹینرز کہاں سے آئے اور یہ حکمت عملی کتنی مہنگی ہے؟
مکمل ایمرجنسی کی تیاری
محکمہ سیاحت کے کائٹ پراجیکٹ کی فراہم کردہ مشینری کئی سال سے استعمال ہو رہی ہے، لیکن اللہ کے فضل سے کسی بڑے نقص کے بغیر ہزاروں گھنٹے کام کر چکی ہے۔ مشینری کی باقاعدہ صفائی، مینٹیننس، اور فوری مرمت کا خصوصی انتظام ہے۔ مشینری آپریٹرز کا مؤقف ہے کہ کائیٹ پراجیکٹ کی فراہم کردہ مشینری لاجواب ہے جبکہ کام کے لحاظ سے اس کا کوئی ثانی نہیں۔
یہ بھی پڑھیں: حماد اظہر کے والد، سابق گورنر پنجاب میاں اظہر انتقال کر گئے
خطرناک حالات میں کامیاب آپریشن
سانحہ مری 2021 کے دوران گلیات میں 7 فٹ برف ہونے کے باوجود، ٹیم نے بغیر کسی حادثے کے تمام سیاحوں کو محفوظ مقامات پر منتقل کیا۔ اللہ کے فضل سے ہماری ٹیم نے خوب محنت کر کے کامیابی کے ساتھ کلیئرنس آپریشن مکمل کیا اور کسی قسم کا حادثہ پیش نہیں آیا تھا۔
یہ بھی پڑھیں: پاکستان نے کرپٹو کے شعبے میں جو کام مہینوں پہلے کردیا، اسرائیل وہ کرنے کا اب سوچ رہا ہے۔
دوتقسیم سرکلز اور آپریٹر کی تربیت
انہوں نے بتایا کہ گلیات میں 2 سرکلز قائم کیے گئے ہیں۔ سرکل ون نتھیا گلی میں 4 ہیوی مشینری کی گاڑیاں اور 1 ٹریکٹر جبکہ سرکل ٹو چھانگاگلی میں 3 ہیوی مشینری کی گاڑیاں اور 1 ٹریکٹر موجود ہیں۔ دونوں سرکلز میں 20 آپریٹرز اور 20 ہیلپرز ڈیوٹی پر تعینات ہیں۔ برفباری کے موسم میں ہر دوسرے کلومیٹر پر سنو ہیلپر ڈیوٹی پر موجود رہتا ہے۔
محکمہ کی مہارت پر اعتماد
آپریٹرز کا کہنا ہے کہ ہم خیبر پختونخوا حکومت بالخصوص محکمہ ثقافت سیاحت و آثارقدیمہ کے زیر انتظام کائیٹ پراجیکٹ کے انتہائی مشکور ہیں کہ اتنی بہترین مشینری فراہم کی ہے کہ ہمیں کام کرنے کے دوران کسی قسم کی دشواری اور دقت کا سامنا نہیں کرنا پڑتا۔ اس مشینری کی بدولت روڈ کلیئرنس آپریشن نہایت کم وقت میں مکمل ہوجاتا ہے۔
