سموگ سے نمٹنے کے لیے 15 اینٹی سموگ گنز پر مشتمل ڈسٹ سسپنشن سسٹم لاہور پہنچا دیا گیا

جدید ڈسٹ سسپنشن سسٹم کی تنصیب

لاہور (ڈیلی پاکستان آن لائن) اسموگ کے مسئلے سے نمٹنے کے لیے دنیا کے پہلے جدید ڈسٹ سسپنشن سسٹم کی تنصیب شروع کر دی گئی، اینٹی اسموگ گنز کے ذریعے فضا میں پانی چھڑک کر ہوا سے آلودگی کے ذرات کو صاف کیا جائے گا۔

یہ بھی پڑھیں: بھارت کا سب سے زیادہ معاوضہ لینے والا کھلاڑی کون ہے؟ ویرات کوہلی یا روہت شرما نہیں بلکہ۔۔

وزیراعلیٰ کی معلومات

وزیراعلیٰ پنجاب مریم نواز شریف نے سماجی رابطے کی ویب سائٹ ایکس پر پوسٹ میں بتایا کہ دنیا کا پہلا جدید ڈسٹ سسپنشن سسٹم، جس میں 15 اینٹی اسموگ گنز شامل ہیں، لاہور پہنچ چکا ہے اور اس کی تنصیب کا عمل جاری ہے۔یہ جدید فوگ کینن باریک پانی چھڑک کر فضائی آلودگی کے خطرناک ذرات بشمول PM2.5 اور PM10 کو ہوا سے صاف کرتے ہیں، یہ نظام پنجاب کے ریئل ٹائم ایئر کوالٹی مانیٹرنگ نیٹ ورک اور ماحولیاتی تحفظ فورس کے ساتھ منسلک ہوگا۔

یہ بھی پڑھیں: سرکاری حج سکیم: درخواستوں کی وصولی منگل تک جاری رہے گی

خودکار نظام کی خصوصیات

وزیراعلیٰ نے کہا کہ آلودگی میں اضافے کی صورت میں یہ نظام خودکار طریقے سے فعال ہو جائے گا۔ سیٹلائٹ ڈیٹا، ڈرونز، کیو آر کوڈڈ کلنز اور ایئر بیسڈ ٹریکنگ کے ذریعے یہ نظام ماحولیاتی تحفظ کے میدان میں اہم پیش رفت ہے۔ عزم، ٹیکنالوجی، جدت اور شہریوں کی شرکت کے ساتھ ان شاء اللہ اسموگ کے خلاف جنگ جیتی جائے گی۔

وزیراعلیٰ کا ٹوئٹ

Alhamdulilah the first ever world tested dust suspension system comprising of 15 Anti Smog Guns has arrived in Lahore and is being assembled. These advanced fog cannons spray ultra fine water mist to capture harmful airborne particles, including PM2.5 & PM10, forcing them to… pic.twitter.com/aa3JoEIoK0

— Maryam Nawaz Sharif (@MaryamNSharif) August 1, 2025