بھارتی ایئر لائن کے جہاز میں مسافر نے پرواز میں گھبرا جانے والے مسافر کو تھپڑ مار دیا، ویڈیو وائرل

بھارتی ایئرلائن میں ناخوشگوار واقعہ

ممبئی (ڈیلی پاکستان آن لائن) بھارتی فضائی سروس انڈیگو ایئرلائن کی ایک پرواز میں دوسرے مسافر کی جانب سے تھپڑ کھانے والا شخص پراسرار طور پر لاپتا ہو گیا۔

یہ بھی پڑھیں: محکمہ موسمیات نے ملک کے مختلف علاقوں میں مزید بارشوں کی پیش گوئی کردی۔

متاثرہ شخص کی شناخت

متاثرہ شخص کی شناخت 32 سالہ حسین احمد مجمدار کے طور پر ہوئی ہے، جو آسام کے ضلع کاچار سے تعلق رکھتا ہے۔ وہ ممبئی سے کلکتہ کے راستے فلائٹ 6E-2387 کے ذریعے سلچر جا رہا تھا۔ دورانِ پرواز حسین کو شدید پینک اٹیک (گھبراہٹ کا دورہ) پڑا، جس کے بعد 2 کیبن کریو ممبرز نے اسے طیارے سے اتارنے میں مدد دینا شروع کی۔ اسی دوران ایک مسافر نے، جو کہ کنارے والی سیٹ پر بیٹھا تھا، اسے تھپڑ رسید کر دیا۔ واقعے کی ویڈیو دوسرے مسافر نے بنائی، جو بعد میں سوشل میڈیا پر وائرل ہو گئی۔

یہ بھی پڑھیں: بیرسٹر سیف کا عمران خان سے رابطہ، آئندہ حکمت عملی سے متعلق اہم ہدایت کردی

ویڈیو اور ایئرلائن کا ردعمل

ویڈیو میں دیکھا جا سکتا ہے کہ کریو ممبران نے حملہ آور کو پرتشدد ہونے سے روکا، جبکہ دیگر مسافر بھی اس حرکت پر احتجاج کرتے نظر آئے۔ انڈیگو حکام کے مطابق مذکورہ حملہ آور کو کلکتہ ایئرپورٹ پر CISF کے حوالے کر دیا گیا اور اس کے خلاف قانونی کارروائی شروع کر دی گئی ہے۔

A Muslim man was slapped by a passenger on an Indigo flight. In a video, cabin crew are seen asking the passenger to stop and not hurt the man. Another passenger questions why he hit him, while the injured man appears to be having a pain attack as crew try to calm the situation. pic.twitter.com/00JYwfIoYE

— The Observer Post (@TheObserverPost) August 1, 2025

یہ بھی پڑھیں: متحدہ عرب امارات کے قومی دن پر پاکستانیوں کی جانب سے امارات کے شیوخ اور عوام کو مبارک باد

حسین مجمدار کی گمشدگی کی صورت حال

تاہم حسین مجمدار، جو ممبئی میں ہوٹل ورکر ہے، سلچر ایئرپورٹ نہیں پہنچا۔ اہلِ خانہ کے مطابق نہ تو ان سے حسین کا کوئی رابطہ ہوا ہے اور نہ ہی اس کا موبائل فون آن ہے۔ ابتدا میں خاندان کے افراد سلچر ایئرپورٹ پر اس کے استقبال کے لیے پہنچے، مگر جب وہ نہ آیا تو وائرل ویڈیو میں اس کی شناخت کی گئی۔

حکام کی جانب سے کوئی وضاحت نہیں

اب تک نہ ایئرلائن اور نہ ہی ایئرپورٹ حکام اس کی موجودہ صورتحال سے متعلق معلومات فراہم کر سکے ہیں۔ CISF کو بھی اطلاع دے دی گئی ہے اور اودھربند پولیس اسٹیشن میں گمشدگی کی رپورٹ درج کر لی گئی ہے۔ انڈیگو کا کہنا ہے کہ واقعے میں ملوث ’غیر مہذب مسافر‘ کے خلاف ضابطے کے مطابق کارروائی کی گئی ہے، مگر متاثرہ شخص کے بارے میں ایئرلائن نے کسی قسم کی وضاحت نہیں دی۔