ملک بدری کی اضافی مدت بھی ختم ہو گئی، افغان مہاجرین کی بے دخلی شروع

افغان مہاجرین کی بے دخلی کا عمل

اسلام آباد (ڈیلی پاکستان آن لائن) ملک بدری کی اضافی مدت بھی ختم ہو گئی اور اب افغان مہاجرین کی بے دخلی شروع کر دی گئی ہے۔

یہ بھی پڑھیں: وفاقی حکومت نے 11 نئے دانش سکولوں کے قیام کا اعلان کردیا، کہاں بنائے جائیں گے؟

پی او آر کارڈ ہولڈرز کی حیثیت

’’جیو نیوز‘‘ کے مطابق افغانی مہاجرین کے لیے ملک بدری کی اضافی مدت کے خاتمے کے بعد پاکستان میں غیر قانونی طور پر مقیم افغان باشندوں کی بے دخلی کا عمل شروع کر دیا گیا ہے۔

یہ بھی پڑھیں: لاہور کے سرکاری ہسپتالوں میں ہیلتھ کارڈ کی سہولت ختم کر دی گئی

وزارت داخلہ کا نوٹیفکیشن

وزارت داخلہ کی جانب سے جاری نوٹیفکیشن میں کہا گیا ہے کہ پی او آر کارڈ ہولڈر افغان مہاجرین کے قیام کی مدت 30 جون کو ختم ہو چکی، 31 جولائی تک کی مہلت کے بعد گزشتہ روز سے انخلاء کا عمل شروع کر دیا گیا ہے۔ جیل انتظامیہ اور متعلقہ ادارے غیر قانونی مقیم افغان باشندوں کی بے دخلی میں معاونت کریں گے۔ فارنرز ایکٹ کے سیکشن 14 کے تحت زیر سماعت یا سزا یافتہ افغانوں کو بھی بے دخل کیا جائے گا۔

یہ بھی پڑھیں: کراچی میں 3 سالہ بچی کا بہیمانہ قتل، لاش کچرا کنڈی سے برآمد

انخلاء کے حوالے سے اہم معلومات

وزارت داخلہ کے اعلامیے میں کہا گیا ہے کہ فارنرز ایکٹ کے سیکشن 14 کے سوا کسی زیر سماعت مقدمے میں افغان کو بے دخل نہیں کیا جائے گا۔

افغان وزیر خارجہ کا دورہ پاکستان

دوسری جانب افغانستان کے قائم مقام وزیر خارجہ محمد خان متقی پیر کو پاکستان کے دورے پر پہنچ رہے ہیں، جہاں وہ وزیراعظم شہباز شریف سمیت اعلیٰ سیاسی و عسکری حکام سے ملاقاتیں کریں گے۔