پاکستان، افغانستان اور یو اے ای کے درمیان سہ ملکی سیریز کا شیڈول جاری

سہ ملکی ٹی ٹوئنٹی سیریز کا اعلان

لاہور (ڈیلی پاکستان آن لائن) پاکستان، افغانستان اور متحدہ عرب امارات کے درمیان سہ ملکی ٹی ٹوئنٹی سیریز کا شیڈول جاری کر دیا گیا ہے۔

یہ بھی پڑھیں: وزیراعظم کی زیرصدارت اجلاس، دفاتر اور تعلیمی اداروں میں ورکنگ دنوں میں کمی کا پلان تیار

سیریز کی تفصیلات

تفصیلات کے مطابق پاکستان کرکٹ بورڈ کی جانب سے جاری کردہ شیڈول کے مطابق ٹی ٹوئنٹی ٹرائی سیریز 29 اگست سے 7 ستمبر تک شارجہ میں ہو گی۔

یہ بھی پڑھیں: ڈرائیونگ لائسنس 18 کے بجائے 16 سال کی عمر میں جاری کیا جائے، پنجاب اسمبلی میں قرارداد جمع

میچز کی ترتیب

سیریز کا افتتاحی میچ 29 اگست کو پاکستان اور افغانستان کے درمیان کھیلا جائے گا۔ شیڈول کے مطابق ہر ٹیم حریف ٹیموں سے 2 مرتبہ میچ کھیلے گی۔ سیریز کا فائنل 7 ستمبر کو ہو گا۔

میچوں کا شیڈول

سہ ملکی سیریز کا پہلا میچ 29 اگست کو پاکستان اور افغانستان کے درمیان ہوگا، دوسرا میچ 30 اگست کو متحدہ عرب امارات اور پاکستان کے مابین کھیلا جائے گا، یکم ستمبر کو تیسرا میچ متحدہ عرب امارات اور افغانستان کے درمیان ہوگا، دو ستمبر کو چوتھا میچ پاکستان اور افغانستان کے درمیان ہوگا، چار ستمبر کو پانچواں میچ پاکستان اور متحدہ عرب امارات کے درمیان کھیلا جائے گا، اور پانچ ستمبر کو چھٹا میچ افغانستان اور متحدہ عرب امارات کے درمیان ہوگا۔

سہ ملکی سیریز کا فائنل 7 ستمبر کو ٹاپ 2 ٹیموں کے درمیان ہوگا۔