وزیر مملکت خزانہ بلال اظہر کیانی کی سینئر صحافی عمر چیمہ سے ملاقات، والدہ کے انتقال پر تعزیت
وزیر مملکت برائے خزانہ کا اظہار افسوس
اسلام آباد (ڈیلی پاکستان آن لائن) وزیر مملکت برائے خزانہ بلال اظہر کیانی نے سینئر صحافی عمر چیمہ سے ان کی والدہ کے انتقال پر گہرے دکھ اور افسوس کا اظہار کیا ہے۔ انہوں نے اسلام آباد میں عمر چیمہ سے ملاقات کی اور مرحومہ کے ایصالِ ثواب کے لیے فاتحہ خوانی کی۔
والدہ کے انتقال پر تاثرات
بلال اظہر کیانی نے اس موقع پر کہا کہ والدہ کا سایہ دنیا میں ایک عظیم نعمت ہوتا ہے، اور ان کا انتقال ایک ناقابلِ تلافی نقصان ہے۔ انہوں نے دعا کی کہ اللہ تعالیٰ مرحومہ کو جوارِ رحمت میں جگہ دے اور پسماندگان کو صبر جمیل عطا فرمائے۔
