ٹھوکر نیاز بیگ سے گزرتے ہوئے اچانک وزیر اعلیٰ مریم نوازکی نظر نہر میں موجود گندگی کے ڈھیر پر پڑ گئی، وزیربلدیات اورسیکرٹری لوکل گورنمنٹ کی سرزنش

وزیراعلیٰ پنجاب کی کارروائی

لاہور (ڈیلی پاکستان آن لائن) وزیراعلیٰ پنجاب مریم نواز نے نہر میں گندگی کے ڈھیر کا مشاہدہ کرنے پر صوبائی وزیر بلدیات ذیشان رفیق اور سیکرٹری لوکل گورنمنٹ محمد شکیل کی سرزنش کی۔

یہ بھی پڑھیں: ارسا نے سندھ کو زیادہ پانی دینے کے پنجاب حکومت کے دعوے کو مسترد کردیا

تحقیقات کا آغاز

مائیکرو بلاگنگ ویب سائٹ پر صحافی افضل سیال نے بتایا کہ مریم نواز جب ٹھوکر نیاز بیگ کے مقام سے گزر رہی تھیں تو ان کی نظر نہر میں پھینکی گئی گندگی پر پڑی۔ انہوں نے فوری طور پر وزیر بلدیات ذیشان رفیق اور سیکرٹری لوکل گورنمنٹ شکیل کو طلب کیا۔

یہ بھی پڑھیں: نعرۂ تکبیر، اللہ اکبر! پاک فوج کے افسران اور جوانوں کی جرات و جذبہ دیدنی، میزائل فائر کرنے کی ویڈیو سامنے آگئی

سخت بازپرس

وزیراعلیٰ نے دونوں افسران کو آڑے ہاتھوں لیتے ہوئے کہا، "اربوں روپے کے فنڈز، تمام وسائل، مشینری اور ہزاروں ورکرز آپ کے کہنے پر فراہم کیے گئے، لیکن آپ لوگ کر کیا رہے ہیں؟"

فوری تنبیہ اور اقدامات

مریم نواز نے وزیر اور سیکرٹری کی سخت سرزنش کی اور ایک تلخ نوٹ پر موقع سے روانہ ہوگئیں۔ واقعے کے بعد، وزیر اور سیکرٹری نے اپنی بے عزتی کا بدلہ لینے کے لیے لاہور ویسٹ مینجمنٹ کمپنی کے سی ای او کو پنجاب اسمبلی طلب کیا تاکہ صفائی کی صورتحال پر وضاحت طلب کی جا سکے۔