خیبر پختونخوا کرپشن کا گڑھ بن چکا، اب محکمہ معدنیات میں نیا سکینڈل سامنے آگیا ہے: عظمٰی بخاری

خیبرپختونخوا میں بڑھتی ہوئی کرپشن

لاہور(ڈیلی پاکستان آن لائن) وزیر اطلاعات و ثقافت پنجاب عظمٰی بخاری نے خیبرپختونخوا میں بڑھتی ہوئی کرپشن پر ردعمل دیتے ہوئے کہا کہ خیبرپختونخوا میں ہر روز کرپشن کا ایک نیا سکینڈل منظر عام پر آ رہا ہے۔

یہ بھی پڑھیں: کراچی سمیت سندھ بھر میں دفعہ 144 میں ایک ماہ کی توسیع کر دی گئی

سکینڈلز کی تفصیلات

پہلے ڈویلپمنٹ کے شعبے میں 40 ارب روپے کا اسکینڈل آیا، جس کے بعد محکمہ تعلیم میں 16 ارب روپے کی کرپشن کا سکینڈل سامنے آیا۔ اب محکمہ معدنیات میں کرپشن کا ایک اور سکینڈل سامنے آیا ہے، جس میں خیبرپختونخوا کے پانچ اضلاع میں سونا نکالنے کے ٹھیکے اونے پونے داموں من پسند افراد کو دیے گئے ہیں۔ جعلی صادق و امینوں کی کرپشن اربوں روپے سے شروع ہوتی ہے۔ ان کے پیچھے صرف ذاتی مفادات اور لوٹ مار کی ایک تاریخ ہے۔

یہ بھی پڑھیں: اس قسم کی گاڑی سر پھرے دیوانے ہی بناتے ہیں، راہگیر دو گھڑی ٹھہر کر دوڑتی بھاگتی رونق کو دیکھ کر محظوظ ہوتے ہیں ،تروتازہ ہو کر آگے بڑھ جاتے ہیں

وزیر اطلاعات کا تجزیہ

وزیر اطلاعات پنجاب نے کہا کہ گھڑی چور کے چیلے پختونخواہ کے خزانے کو خاندانی وارثت سمجھ کر لوٹ مار کررہے ہیں، اور ایک سال اور چھ مہینے میں ایک بھی نیا منصوبہ شروع نہیں ہو سکا ہے، بلکہ کرپشن کے ریکارڈ قائم ho رہے ہیں۔

پنجاب میں ترقیاتی منصوبے

پنجاب میں مریم نواز نے ترقیاتی منصوبوں کی’’سنچری‘‘ مکمل کر دی ہے، لیکن ایک بھی کرپشن کا الزام تک نہیں لگایا جا سکا۔ پنجاب حکومت کے منصوبے عالمی معیار کے مطابق مکمل ہو رہے ہیں۔ مریم نواز کی ڈکشنری میں کرپشن، سفارش اور نااہلی کی کوئی گنجائش نہیں۔