ایم کیو ایم کے بانی الطاف حسین کی طبیعت دوبارہ خراب، ہسپتال منتقل
ایم کیو ایم کے قائد الطاف حسین کی طبیعت خراب
لندن (ڈیلی پاکستان آن لائن) متحدہ قومی موومنٹ (ایم کیو ایم) کے بانی و قائد الطاف حسین کی طبیعت ایک بار پھر ناساز ہوگئی، جس پر انہیں فوری طور پر مقامی ہسپتال منتقل کردیا گیا۔
یہ بھی پڑھیں: وزارت کھیل نے بی سی بی صدر فاروق احمد کو عہدے سے ہٹادیا
طبی امداد کے اقدامات
ایم کیو ایم کے مرکزی شعبہ اطلاعات کے مطابق جمعہ کے روز الطاف حسین کی طبیعت اچانک بگڑنے پر ڈاکٹر سے رابطہ کیا گیا اور ایمبولینس طلب کی گئی۔ میڈیکل ایمرجنسی ٹیم نے ان کی رہائش گاہ پر ابتدائی معائنہ کیا، جس کے بعد مزید طبی جانچ اور علاج کے لیے انہیں ہسپتال منتقل کیا گیا۔
یہ بھی پڑھیں: پی ٹی آئی کے پاس احتجاج کی طاقت ہے نہ عوام ان کے لیے نکلیں گے: سینیٹر عرفان صدیقی
دعاوں کی اپیل
رابطہ کمیٹی نے کارکنان اور عوام سے اپیل کی ہے کہ وہ الطاف حسین کی جلد صحتیابی کے لیے دعا کریں۔
ماضی میں طبی مسائل
یاد رہے کہ چند روز قبل بھی الطاف حسین کو طبی خرابی کے باعث ہسپتال میں داخل کیا گیا تھا، جہاں وہ کئی روز تک زیر علاج رہے۔
