عام انتخابات میں ووٹ چرائے، 100 سے زیادہ نشستوں پر ہیرا پھیری کی گئی: رہول گاندھی کا دھماکہ خیز انکشاف، مودی کے انتخابی فراڈ کا پردہ چاک کر دیا

راہول گاندھی کا دھماکہ خیز انکشاف

لاہور (طیبہ بخاری سے) بھارتی اپوزیشن جماعت کانگریس کے رہنما راہول گاندھی نے وزیر اعظم نریندرمودی کے انتخابی فراڈ کا پردہ چاک کر دیا ہے۔

یہ بھی پڑھیں: یہ کیسا پاکستان ہے جہاں چینی باہر بھیجی جاتی ہے، پھر وہی چینی باہر سے منگوائی جاتی ہے ” شہباز شریف کی پرانی ویڈیو انٹرنیٹ پر پھر وائرل

دستاویزی ثبوت پیش

تفصیلات کے مطابق راہول گاندھی نے اس حوالے سے دستاویزی ثبوت سامنے لاتے ہوئے بتایا کہ مختلف حلقوں میں جعلی ڈپلی کیٹ ووٹر آئی ڈیز بنائی گئی ہیں اور مکانوں کے جعلی ایڈریس بھی تخلیق کیے گئے ہیں۔ انہوں نے کہا کہ کئی جگہوں پر جعلی تصاویر کا استعمال کیا گیا ہے، جس کے نتیجے میں کم از کم 100 سے زیادہ نشستوں پر ہیرا پھیری کی گئی۔

یہ بھی پڑھیں: گورنر سندھ کا 9 مئی کے ملزمان کو عام معافی دینے کا مطالبہ

نریندر مودی کی جیت پر سوالات

راہول گاندھی نے پچھلے انتخابات میں نریندر مودی کی جیت پر سوال اٹھاتے ہوئے کہا کہ بھارتی الیکشن کمیشن نے بھارتیہ جنتا پارٹی (بی جے پی) کے ساتھ مل کر عام انتخابات میں ووٹ چرائے اور عوام کے حق پر ڈاکہ ڈالا۔ اگر جعل سازی نہ ہوتی تو نریندر مودی آج بھارت کے وزیراعظم نہ ہوتے۔

آئینی خلاف ورزی اور کارروائی کی دھمکی

انہوں نے مزید کہا کہ پچھلے انتخابات میں بی جے پی، وزیراعظم نریندر مودی اور ان کے ساتھیوں نے آئین پر حملہ کیا۔ الیکشن کمیشن جو کر رہا ہے وہ غداری ہے، ہم کارروائی کریں گے، یہ بچ نہیں سکیں گے۔