سکھوں کی عالمی تنظیم نے بڑا قدم اٹھا لیا ۔۔۔کینیڈا میں ’’خالصتان ایمبیسی‘‘ قائم

سکھوں کی عالمی تنظیم کا بڑا اقدام

سرے (مانیٹرنگ ڈیسک) سکھوں کی عالمی تنظیم نے بڑا قدم اٹھا لیا۔۔۔ کینیڈا میں ’’خالصتان ایمبیسی‘‘ قائم کر دی۔

یہ بھی پڑھیں: پاکستان کے خلاف ٹیسٹ میچ میں جو روٹ نے اہم اعزاز حاصل کرلیا

خالصتان ایمبیسی کا قیام

تفصیلات کے مطابق سکھوں کی عالمی تنظیم ’’سِکھس فار جسٹس‘‘ نے گرو نانک سکھ گوردوارہ ٹیمپل کے تعاون سے کینیڈا کے شہر سرے میں ’’خالصتان ایمبیسی‘‘ کھول دی۔

یہ بھی پڑھیں: کراچی: والد کی تدفین کے لیے سعودیہ سے آیا ہوا نوجوان ڈاکوؤں کی فائرنگ سے جاں بحق

بین الاقوامی سطح پر سکھ کمیونٹی کی سرگرمیاں

’’جنگ‘‘ نے بھارتی میڈیا رپورٹس کے حوالے سے بتایا ہے کہ سکھ کمیونٹی کے عالمی پلیٹ فارم ’’سِکھس فار جسٹس‘‘ (ایس ایف جے) کی قیادت میں کینیڈین شہر سرے میں ’’ریپبلک آف خالصتان‘‘ کا علامتی سفارتخانہ قائم کیا گیا ہے۔ بین الاقوامی میڈیا کی ایک رپورٹ کے مطابق سرے میں واقع گوردوارہ ’’گرو نانک سکھ‘‘ جس کی قیادت ماضی میں سکھ رہنما ہرپال سنگھ نجار کے پاس تھی، اب ایک نئی علامتی سرگرمی کا مرکز بن گیا ہے۔

یہ بھی پڑھیں: اپوزیشن کی احتجاج کی کال سے روزانہ 190 ارب روپے کا نقصان ہوتا ہے : وفاقی وزیر خزانہ

سفارتی کشیدگی کا پس منظر

سکھوں کی عالمی تنظیم کی جانب سے یہ اقدام ایسے وقت میں سامنے آیا ہے جب بھارت اور کینیڈا 2023ء میں ہرپال سنگھ نجار کے قتل کے بعد پیدا ہونے والے سفارتی تعطل کو ختم کرنے کی کوشش کر رہے ہیں۔

خالصتان ریفرنڈم کی تیاری

غیر ملکی میڈیا رپورٹس کے مطابق کینیڈا میں مقیم سکھ کمیونٹی کے رہنماؤں کا اس معاملے سے متعلق کہنا ہے کہ یہ اقدام ’’خالصتان ریفرنڈم‘‘ کی تیاریوں کا حصہ ہے اور سکھ عوام کی خودارادیت کے حق کو اُجاگر کرتا ہے۔