سیکیورٹی فورسز کا کلیئرنس آپریشن، پاک افغان سرحد پر مزید 14 بھارتی حمایت یافتہ خوارج ہلاک

سیکیورٹی فورسز کی بڑی کامیابی

راولپنڈی (ڈیلی پاکستان آن لائن) سیکیورٹی فورسز نے پاک-افغان سرحد پر کلیئرنس آپریشن کے دوران مزید 14 بھارتی حمایت یافتہ خوارج کو ہلاک کر دیا، جس کے بعد 2 روز میں کارروائیوں کے دوران ہلاک دہشت گردوں کی تعداد 47 ہو گئی ہے۔

یہ بھی پڑھیں: اقوام متحدہ نے 2015 سے 2025 تک کے سال تاریخ کے گرم ترین قرار دے دیئے۔

کلیئرنس آپریشن کی تفصیلات

پاک فوج کے شعبہ تعلقات عامہ آئی ایس پی آر کے مطابق، 8 اور 9 اگست کی درمیانی شب پاک-افغان سرحد کے ساتھ سمبازہ کے گردونواح میں کلیئرنس آپریشن کیا گیا۔ دوران آپریشن مزید 14 بھارتی سرپرستی یافتہ خوارج کو ہلاک کیا گیا، ہلاک خوارج سے اسلحہ، گولہ بارود اور دھماکا خیز مواد بھی برآمد ہوا۔ 2 روزہ انسدادِ دراندازی آپریشن میں ہلاک خوارج کی تعداد 47 ہو گئی ہے۔

یہ بھی پڑھیں: ملزمان کو گنجا کرکے ویڈیو چلانے کیس: ایسا کوئی واقعہ دوبارہ ہوا تو متعلقہ ڈی پی او ذمہ دار ہوگا، عدالت

فورسز کا عزم

آئی ایس پی آر کا بتانا ہے کہ سیکیورٹی فورسز ملک کی سرحدوں کے دفاع کو یقینی بنانے کے لیے پرعزم ہیں۔ فورسز پاکستان کے امن، استحکام اور ترقی کو نقصان پہنچانے کی ہر کوشش کو ناکام بنانے کے لیے عزم ہیں۔

ماضی کی کارروائیاں

یاد رہے کہ گزشتہ روز بھی سیکیورٹی فورسز نے پاک-افغان سرحد سے دراندازی کر کے پاکستان میں داخل ہونے والے 33 دہشت گردوں کو بلوچستان کے علاقے ژوب میں کارروائی کے دوران ہلاک کیا تھا۔