محکمہ صحت پنجاب نے من پسند کمپنی سے بڑی تعداد میں ائیر کنڈیشنرز خرید لیے ، آڈٹ رپورٹ میں انکشاف

محکمہ صحت پنجاب کی نئی خریداری

لاہور (ڈیلی پاکستان آن لائن) محکمہ صحت پنجاب نے من پسند نجی کمپنی سے بڑی تعداد میں ائیر کنڈیشنرز خرید لیے۔ آڈیٹرجنرل آف پاکستان 25-2024 کی رپورٹ میں حیران کن انکشافات سامنے آگئے۔

یہ بھی پڑھیں: واشنگ لائن پر بیک وقت کئی گاڑیاں دھل رہی ہوتی ہیں، ملازمین ہا ہا کار مچائے رکھتے ہیں، ایک کو دھو سنوار کر فارغ نہیں ہوتے کہ اگلی آن پہنچتی ہے

خریداری کی تفصیلات

سما ٹی وی کے مطابق محکمہ صحت پنجاب نے 41 کروڑ سے زائد مالیت کے 1400 اے سی خریدے۔ جبکہ ٹینڈرز میں نجی کمپنی کو فائدہ پہنچانے کے لیے خصوصیات کے حامل اے سی کی شرائط رکھی گئی، اور یہ شرائط صرف ایک ہی کمپنی پوری کر سکتی تھی۔

یہ بھی پڑھیں: وہ لوگ اب اس دنیا میں نہیں رہے مگر جب گاڑی گزرتی ہے تو انکی صدائیں صاف سنائی دیتی ہیں، پلیٹ فارم پر ملگجا سا اندھیرا کچھ خاص نظر بھی نہیں آتا

ٹینڈرز میں شرکت کرنے والی کمپنیاں

نجی کمپنی کے علاوہ دیگر دو کمپنیوں نے ٹینڈر میں درخواست جمع کروائی۔ تین کمپنیوں کی ٹینڈرز میں حصہ لینے کی شرط پوری کرنے کے لیے، نجی کمپنی کی ہی دو کمپنیوں نے درخواست دی۔

نگران حکومت کا کردار

ائیر کنڈیشنرز کی خریداری نگران دور حکومت کے دوران کی گئی۔ سابق نگران وزیر صحت جمال ناصر کا موقف ہے کہ انہیں ائیرکنڈیشنرز کی خریداری سے متعلق کوئی علم نہیں۔