22 سالوں میں 11 شوہروں کا قتل، ایرانی خاتون کے حیران کن کیس کی کہانی سامنے آگئی

تہران میں ہولناک واردات

تہران (ویب ڈیسک) ایک ایرانی خاتون نے 22 سال میں 11 شوہروں کو قتل کرنے کا ہولناک انکشاف کر دیا۔ استغاثہ کے مطابق یہ سلسلہ سال 2000ء میں شروع ہوا۔ ملزمہ مبینہ طور پر ضعیف العمر مردوں کو نشانہ بناتی، ان سے شادی کرتی اور پھر ذیابیطس کی ادویات، محرکات اور بعض اوقات صنعتی الکحل کے ذریعے آہستہ آہستہ زہر دے کر مار دیتی۔

یہ بھی پڑھیں: پاکستان کے 5 کوہ پیماؤں نے نانگا پربت سر کرلی، اشرف صدپارہ کا اہم اعزاز

مقامی میڈیا کی رپورٹ

روزنامہ جنگ کے مطابق کلثوم اکبری نامی خاتون جو مقامی میڈیا میں ’بلیک وِڈو‘ کے نام سے مشہور ہے، اس پر الزام ہے کہ اس نے 22 برس کے دوران اپنے 11 شوہروں کو قتل کر کے ان کا مال و جائیداد ہتھیالی۔ عدالت میں بتایا گیا کہ ملزمہ اپنے نشانات مٹانے میں ماہر تھی، زیادہ تر اموات عمر اور بیماری کے باعث طبعی موت لگتی تھیں، جس کے باعث وہ طویل عرصے تک شک سے بچی رہیں۔

یہ بھی پڑھیں: پولیس کی قربانیاں قوم کا فخر ہیں :چیئرپرسن پنجاب ویمن پروٹیکشن اتھارٹی حنا پرویز بٹ

آخری شکار اور گرفتاری

اس سلسلے کا آخری شکار 2023ء میں عزیزاللّٰہ بابائی تھا۔ بابائی کے بیٹے کے شبہ نے پولیس کو تفتیش پر مجبور کیا، جس کے نتیجے میں کلثوم اکبری کو گرفتار کر لیا گیا۔ عدالتی دستاویزات کے مطابق ملزمہ نے 11 مردوں کو قتل کرنے اور ایک کو قتل کرنے کی کوشش کرنے کا اعتراف کیا ہے۔

قتل کی منصوبہ بندی

استغاثہ کا کہنا ہے کہ وہ ہر قتل کی منصوبہ بندی انتہائی باریکی سے کرتی، اپنے شوہروں کی صحت پر نظر رکھتی اور پھر ایسے وقت پر وار کرتی کہ کسی کو شک نہ ہو۔