پورا دن میں صرف 2 گھنٹے سوتا ہوں، ساحر لودھی

اداکار و میزبان ساحر لودھی کی مصروفیات

کراچی(ڈیلی پاکستان آن لائن) اداکار و میزبان ساحر لودھی نے کہا ہے کہ میرے پاس اپنی ذات کے لیے وقت ہی نہیں، پورا دن میں صرف 2 گھنٹے سوتا ہوں۔ ایک پوڈ کاسٹ میں ساحر لودھی نے بتایا کہ میں مختلف پراجیکٹس کیلئے کام کر رہا ہوں، میرے پاس اپنی ذات کے لیے وقت ہی نہیں، پورا دن میں صرف 2 گھنٹے سوتا ہوں۔ ان کا کہنا ہے کہ میں صبح 6:30 بجے سوکر اٹھتا ہوں، 8 بجے گھر سے جم کے لیے نکل جاتا ہوں اور پھر اپنے کاموں کا آغاز کرتا ہوں۔

تنقید کا جواب

ساحر لودھی نے ٹرولنگ کرنیوالوں کو جواب دیتے ہوئے کہا کہ ’تنقید کا میری زندگی پر کوئی اثر نہیں ہوتا، کچھ تبصرے کبھی کبھار ہرٹ کر دیتے ہیں لیکن بطور انسان آپ کے پاس تنقید کرنے کا حق ہے۔ میں نے ان ٹرولرز کو دنیا میں بھی معاف کیا اور روز محشر تو میری کوئی حیثیت ہی نہیں انہیں معاف کرنے کی جو مجھ سے محبت کرتے ہیں انہیں تھینک یو اور جو مجھ سے نفرت کرتے ہیں ان کے لیے کوئی بات نہیں‘۔