عراق میں کلورین گیس لیک سے 600 سے زائد زائرین اسپتال منتقل

کلورین گیس کا اخراج

بغداد (ڈیلی پاکستان آن لائن) عراق میں کلورین گیس کے اخراج سے 600 سے زائد زائرین کو سانس کی تکالیف کے باعث فوری طور پر اسپتال منتقل کیا گیا۔ حکام کے مطابق یہ واقعہ ہفتے اور اتوار کی درمیانی شب نجف اور کربلا کے درمیان پانی صاف کرنے کے ایک اسٹیشن میں لیکج کے باعث پیش آیا۔

یہ بھی پڑھیں: پاک بھارت ڈی جی ایم اوز کا تیسرا رابطہ، کیا بات چیت ہوئی؟ تفصیل سامنے آ گئی

وزارت صحت کی جانب سے تفصیلات

خبر ایجنسی اے ایف پی کے مطابق عراقی وزارت صحت نے اپنے بیان میں بتایا کہ ’’کلورین گیس لیکج کے بعد دم گھٹنے کے 621 کیسز رپورٹ ہوئے، تمام متاثرین کو طبی امداد فراہم کی گئی اور وہ صحتیاب ہو کر اسپتال سے گھر جا چکے ہیں۔’’

یہ بھی پڑھیں: اسلام آباد پولیس پر پختون شہریوں کی نسلی بنیادوں پر گرفتاری کا الزام، پولیس کی جانب سے تردید

حادثے کی وجہ

زائرین کی حفاظت پر مامور سیکیورٹی فورسز کا کہنا ہے کہ حادثہ کربلا، نجف روڈ پر واقع ایک واٹر اسٹیشن سے کلورین گیس کے اخراج کے نتیجے میں پیش آیا۔

زائرین کی تعداد

واضح رہے کہ ہر سال لاکھوں شیعہ زائرین کربلا کا رخ کرتے ہیں جہاں امام حسینؓ اور ان کے بھائی حضرت عباسؓ کے مزارات واقع ہیں۔ زائرین اربعین کے موقع پر حضرت امام حسینؓ کی شہادت کا چالیسواں دن مناتے ہیں۔