سکول پرنسپل کا شادی شدہ خاتون ٹیچر سے افیئر کا پتہ چلنے پر دونوں کے گھر اجڑ گئے
نیویارک میں سکول پرنسپل اور ٹیچر کا افیئر
نیو یارک(ڈیلی پاکستان آن لائن)امریکی ریاست نیویارک کے علاقے اسٹیٹن آئی لینڈ میں سکول پرنسپل کا شادی شدہ خاتون ٹیچر کے ساتھ افیئرز سامنے آنے پر دونوں کی شادیاں ختم ہو گئیں۔
یہ بھی پڑھیں: کراچی میں نوکری سے نکالنے پر ملازم نے فائرنگ کرکے بریانی سینٹر کے مالک کو زخمی کردیا
افئیرز کا انکشاف
امریکی میڈیا کے مطابق 43 سالہ پرنسپل انتھونی کوسینٹینو کا 28 سالہ خاتون ٹیچر جیکولین سینو ڈینوس کے درمیان افیئرز کا معاملہ سامنے آنے پر اس کی بیوی نے اپنے شوہر کے خلاف مقامی عدالت میں شکایت درج کرواتے ہوئے کہا کہ اس کے شوہر کا جون 2023ء سے اپنی ماتحت ٹیچر کے ساتھ افیئر چل رہا ہے اور وہ اکثر اس کے لیے پارٹیاں بھی منعقد کرتا رہتا ہے۔
یہ بھی پڑھیں: امریکہ اور چین نے ٹیرف میں 115 فیصد کمی پر اتفاق کرلیا
طلاق کی کارروائیاں
سکول پرنسپل اور خاتون ٹیچر کا افیئر سامنے آنے پر دونوں کے شریکِ حیات نے اپنے جیون ساتھیوں سے طلاق لینے کے لیے درخواست دائر کر دی ہے۔ خاتون ٹیچر سینو ڈینوس کی طلاق کا فیصلہ جون 2024ء میں سنا دیا گیا، جبکہ پرنسپل کوسینٹینو کی طلاق کا کیس عدالت میں زیرِ سماعت ہے۔
مالی معاملات میں غفلت
تفتیش میں یہ بھی سامنے آیا کہ کوسینٹینو سکول کی مالی نگرانی میں بھی غفلت کے مرتکب ہوئے، جس کے نتیجے میں ایک سیکریٹری نے 7 سال میں 1.45 لاکھ ڈالرز سے زائد کی رقم کا غبن کیا۔
