اسلام آباد سمیت ملک کے مختلف علاقوں میں گرج چمک کے ساتھ بارش کی پیشگوئی

محکمہ موسمیات کی پیشگوئی

اسلام آباد (ڈیلی پاکستان آن لائن) محکمہ موسمیات نے اسلام آباد سمیت ملک کے مختلف علاقوں میں گرج چمک کے ساتھ بارش کی پیشگوئی کر دی ہے۔

یہ بھی پڑھیں: دریائے راوی میں شاہدرہ کے مقام پر آئندہ 4 سے 6 گھنٹے پانی کا دباؤ رہنے کی توقع ہے، ڈی جی پی ڈی ایم اے

موسم کی حالت

نجی ٹی وی چینل ہم نیوز کے مطابق محکمہ موسمیات کا کہنا ہے کہ ملک کے بیشتر میدانوں میں موسم گرم اور شدید حبس برقرار رہنے کا امکان ہے۔ تاہم خطہ پوٹھوہار، بالائی خیبر پختونخوا، کشمیر اور ملحقہ پہاڑی علاقوں میں چند مقامات پر تیز ہواؤں اور گرج چمک کے ساتھ بارش ہونے کی توقع ہے۔

یہ بھی پڑھیں: آسٹریلوی بیٹر میتھیو ویڈ نے بین الاقوامی کرکٹ کو خیرباد کہہ دیا

حفاظتی تدابیر

اسلام آباد میں چند مقامات پر تیز ہواؤں اور گرج چمک کے ساتھ بارش کا امکان ہے۔ لاہور، راولپنڈی، مری، گلیات، جہلم، اٹک، چکوال، گجرات، گوجرانوالہ، سیالکوٹ اور نارووال میں بھی گرج چمک کے ساتھ بارش کا امکان ہے۔

یہ بھی پڑھیں: مختلف وجوہات کی بنا پر پہلے 12 سال میں صرف 59 لوکوموٹو ہی تیار کیے جا سکے، اس کے پیچھے بھی نالائق اور بدعنوان افسروں کی فوج ظفر موج تھی

سوات اور گرد و نواح کی صورت حال

سوات، دیر، کوہستان، بٹگرام، مانسہرہ، ایبٹ آباد اور گرد و نواح میں تیز ہواؤں کے ساتھ چند مقامات پر بارش ہونے کی توقع ہے۔

یہ بھی پڑھیں: آج بھارت کرکٹ کا “رام رام ستے” ہو گا، فردوس عاشق اعوان

باقی صوبوں میں موسم

محکمہ موسمیات کے مطابق بلوچستان کے بیشتر اضلاع میں موسم گرم رہنے کا امکان ہے۔ کراچی سمیت سندھ کے ساحلی علاقوں میں مطلع جزوی ابر آلود رہنے کی توقع ہے، جبکہ آزاد کشمیر اور گلگت بلتستان میں بھی مطلع جزوی ابر آلود رہے گا۔

پچھلے 24 گھنٹوں کی صورتحال

گذشتہ چوبیس گھنٹوں کے دوران ملک کے بیشتر علاقوں میں موسم گرم اور حبس رہا، تاہم اسلام آباد، شمال مشرقی پنجاب اور بالائی خیبر پختونخوا میں چند مقامات پر تیز ہواؤں اور گرج چمک کے ساتھ بارش ہوئی۔