ایکواڈور میں نائٹ کلب میں فائرنگ سے 8 افراد ہلاک
فائرنگ کی ہولناک واردات
نیویارک(ڈیلی پاکستان آن لائن )جنوبی امریکا کے ملک ایکواڈور میں قائم ایک نائٹ کلب میں فائرنگ سے 8 افراد ہلاک ہو گئے۔
یہ بھی پڑھیں: عوام کو اسٹیبلشمنٹ اور پی ٹی آئی کی ضرورت ہے ، عمران خان
واقعے کی تفصیلات
غیر ملکی میڈیا کے مطابق فائرنگ کا یہ واقعہ ملک کے سب سے خطرناک سمجھے جانے والے ساحلی صوبے گوایاس کے دیہی علاقے سانتا لوسیا میں پیش آیا۔
یہ بھی پڑھیں: ماہرہ خان کا فلموں سے وقفہ لینے کا اعلان، وجہ کیا ہے؟
حملہ آوروں کا طریقہ کار
حکام نے بتایا کہ بھاری ہتھیاروں سے لیس مشتبہ افراد موٹر سائیکلوں اور 2 گاڑیوں میں آئے اور اندھا دھند فائرنگ کردی جس کے نتیجے میں 7 افراد موقع پر ہی ہلاک ہوگئے جبکہ ایک شخص اسپتال میں دم توڑ گیا، فائرنگ سے ہلاک افراد کی عمریں 20 سے 40 سال کے درمیان تھیں۔
یہ بھی پڑھیں: بھارت میں ایک شخص نے یوٹیوب پر طریقہ تلاش کرکے گرل فرینڈ کو قتل کر دیا
زخمیوں کی حالت
حکام کے مطابق فائرنگ کے واقعے میں 3 افراد زخمی بھی ہوئے جنہیں فوری طبی امداد کیلئے اسپتال منتقل کر دیا گیا۔
تحقیقات کا آغاز
میڈیا رپورٹس کے مطابق فائرنگ کی وجہ تاحال سامنے نہیں آ سکی تاہم حکام کا کہنا ہے کہ واقعے کی تحقیقات کی جا رہی ہیں۔
