عمران خان کے طبی معائنہ کے لیے علی امین گنڈاپور کا اسلام آباد ہائی کورٹ سے رجوع

علی امین گنڈاپور کی درخواست

اسلام آباد(ڈیلی پاکستان آن لائن) وزیراعلیٰ خیبرپختونخوا علی امین گنڈاپور نے بانی پی ٹی آئی عمران خان کے طبی معائنہ کیلئے اسلام آباد ہائیکورٹ سے رجوع کر لیا۔

یہ بھی پڑھیں: بھارتی دارالحکومت دہلی بھی شدید سموگ کی لپیٹ میں آگیا، مصنوعی بارش برسانے کی تیاریاں

درخواست میں فریقین

نجی ٹی وی چینل دنیا نیوز کے مطابق بانی پی ٹی آئی اور علی امین گنڈاپور کی جانب سے درخواست دائر میں پنجاب حکومت، آئی جی جیل خانہ جات، جیل ہسپتال و دیگر کو فریق بنایا گیا ہے۔

یہ بھی پڑھیں: امریکی حملے سے فردو جوہری تنصیب کو شدید نقصان پہنچا: ایرانی وزیر خارجہ کی تصدیق

عمران خان کی صحت کی تشویش

دائر درخواست میں مؤقف اختیار کیا گیا ہے کہ بانی پی ٹی آئی کی عمر 72 سال ہے اور معمول کا طبی معائنہ ضروری ہے، جیل میں قید کے دوران عمران خان کا وزن کم ہوگیا اور مختلف بیماریوں میں مبتلا ہونے کا خدشہ ہے۔

یہ بھی پڑھیں: ہمیں بچپن کی باتیں یاد کیوں نہیں رہتیں؟ سائنسی وجہ سامنے آگئی

طبی ہسٹری اور معائنے کی درخواست

درخواست میں کہا گیا کہ بانی پی ٹی آئی کی طبی ہسٹری شوکت خانم ہسپتال کے پاس موجود ہے۔

ہائیکورٹ میں دائر درخواست میں استدعا کی گئی کہ شوکت خانم ہسپتال کی طبی ٹیم کو ماہانہ طبی معائنہ اور ضروری ٹیسٹ کرنے کی اجازت دی جائے، ڈاکٹر عاصم یوسف، ڈاکٹر فیصل سلطان اور ڈاکٹر ثمینہ نیازی کو طبی معائنہ اور ٹیسٹوں کیلئے بانی پی ٹی آئی تک رسائی کا حکم دیا جائے۔

رپورٹس کی فراہمی کا مطالبہ

درخواست میں مزید استدعا کی گئی کہ ماہانہ طبی معائنہ اور ٹیسٹ رپورٹس کو عدالت میں جمع کرانے اور بانی پی ٹی آئی کی فیملی کو فراہم کرنے کا بھی حکم دیا جائے۔