پٹوارخانوں میں بھرتیوں سے متعلق کیس ؛ڈپٹی کمشنر نے بھرتیوں کا طریقہ کار جمع کرانے کیلئے وقت مانگ لیا

اسلام آباد کے پٹوارخانوں میں بھرتیوں کا معاملہ

اسلام آباد (ڈیلی پاکستان آن لائن) اسلام آباد کے پٹوارخانوں میں خالی نشستوں پر بھرتیوں سے متعلق کیس میں ڈپٹی کمشنر نے بھرتیوں کا طریقہ کار جمع کرانے کے لیے وقت مانگ لیا۔

یہ بھی پڑھیں: نیا سال بہت توقعات لیکر آیا ہے: ایم کیو ایم پاکستان نے ’’کراچی بچاؤ مہم‘‘ شروع کرنے کا اعلان کر دیا

کیس کی سماعت کی تفصیلات

نجی ٹی وی چینل دنیا نیوز کے مطابق اسلام آباد کے پٹوارخانوں میں خالی نشستوں پر بھرتیوں سے متعلق کیس کی سماعت ہوئی، ڈپٹی کمشنر نے بھرتیوں کا طریقہ کار جمع کرانے کے لیے وقت مانگ لیا۔

یہ بھی پڑھیں: خواتین کے ذریعے شہریوں کو ہنی ٹریپ کرنے والے 2 گینگ گرفتار، تہلکہ خیز انکشافات

جج کا استفسار

دوران سماعت جسٹس محسن اختر کیانی نے استفسار کیا کہ آپ نے اسٹیٹ کونسل کی رپورٹ دیکھی ہے؟ اسسٹنٹ کمشنر انڈسٹریل ایریا نے کہا کہ میں نے ابھی رپورٹ نہیں دیکھی۔ جسٹس محسن اختر کیانی نے کہا کہ اسلام آباد میں بلدیاتی حکومت بھی موجود نہیں ہے۔

یہ بھی پڑھیں: لاہور میں سموگ: پنجاب حکومت کا ‘گرین لاک ڈاؤن’ اور بھارت سے ماحولیاتی سفارتکاری کا منصوبہ

ایڈووکیٹ جنرل کی درخواست

ایڈووکیٹ جنرل اسلام آباد نے کہا کہ کچھ وقت دیا جائے، تعیناتیاں کر دیں گے۔ عدالت نے فیصلہ کیا کہ پٹوار سرکلز میں سرکاری افسر تعینات کیے جائیں جو عوام کو سہولت فراہم کریں۔ عوام پٹوارخانوں میں بیٹھے پرائیویٹ افراد کو رشوت دے رہے ہیں۔

رولز میں ترمیم کی ضرورت

ایڈووکیٹ جنرل نے کہا کہ کوٹہ سے متعلق سپریم کورٹ اور ہائیکورٹ کے فیصلے موجود ہیں۔ جسٹس محسن اختر کیانی نے کہا کہ رولز میں ترمیم کرنا پڑے گی۔ کوئی شخص کسی پوزیشن کے لیے ناگزیر نہیں، لوگ ریٹائر، فوت اور ڈسمس بھی ہوتے ہیں۔ عدالت نے کیس کی سماعت 17 ستمبر تک ملتوی کر دی۔