آئی ایس پی آر نے نیا ملی نغمہ ’’مل کر کہو، بلند آواز۔۔۔ پاک سر زمین شاد باد‘‘ جاری کر دیا

میری سرزمین کی شان

لاہور (خصوصی رپورٹ) قوت، طاقت، جرأت، ہمت، جذبہ، جن کی علامت۔۔۔ یہ میرا دیس، یہ ہیں میرے لوگ۔۔۔ مل کر کہو، بلند آواز۔۔۔ پاک سر زمین شاد باد

یہ بھی پڑھیں: بھارت اور بنگلہ دیش کے درمیان ہونے والی وائٹ بال سیریز 2026 تک موخر

ملی نغمہ کی رونمائی

آئی ایس پی آر نے نیا ملی نغمہ ’’مل کر کہو، بلند آواز۔۔۔ پاک سر زمین شاد باد‘‘ جاری کر دیا۔ معروف گلوکار جواد احمد کی آواز میں پیش کیا گیا یہ نغمہ اتحاد، یکجہتی اور حب الوطنی کا شاندار پیغام لے کر آیا ہے۔

یہ بھی پڑھیں: پاکستان بھر میں جنوری سے نومبر 2025 تک صنفی بنیاد پر خواتین پر تشدد کے واقعات کی رپورٹ جاری

ثقافت کا اظہار

ملی نغمے میں پاکستان کے تمام صوبوں کی ثقافت کی عکاسی کی گئی ہے جبکہ ملک کے دفاع، ترقی، اور خوشحالی کے عزم کو بھی اجاگر کیا گیا ہے۔ جواد احمد کی پُرجوش آواز اور متاثر کن دھن اس نغمے کو ایک ولولہ انگیز رنگ دیتی ہے۔

وطن سے محبت کا پیغام

یہ نغمہ پاکستان کے عوام کو متحد کرنے اور قومی پرچم کے سائے تلے ایک آواز بننے کی ترغیب دیتا ہے۔ نغمے کی ویڈیو میں مسلح افواج کے جوانوں، طلباء، کسانوں اور مختلف شعبہ ہائے زندگی سے تعلق رکھنے والے پاکستانیوں کو وطن سے اپنی محبت کا اظہار کرتے دکھایا گیا ہے۔