بھارت میں شوہر اپنی بیوی کی لاش موٹرسائیکل پر باندھ کر لے جانے پر مجبور

خاتون کی موت کا دلخراش واقعہ

ممبئی (ڈیلی پاکستان آن لائن) بھارتی ریاست مہاراشٹر کے شہر ناگپور میں ٹرک کی ٹکر سے مرنے والی خاتون کا شوہر اس کی لاش لوگوں کی بے حسی کے باعث موٹر سائیکل پر باندھ کر لے جانے پر مجبور ہوگیا۔

یہ بھی پڑھیں: آئی ایم ایف نے مانع حمل اشیاء پر جی ایس ٹی ختم کرنے کی درخواست مسترد کردی

حادثے کی تفصیلات

بھارتی میڈیا کے مطابق ناگپور میں 35 سالہ امیت یادو اپنی بیوی گیارسی کے ساتھ 9 اگست کو ناگپور کے علاقے لونارا سے کرنپور جا رہا تھا کہ راستے میں مورپھٹا کے قریب ایک تیز رفتار ٹرک نے موٹر سائیکل کو ٹکر ماری، جس سے گیارسی سڑک پر گر گئی۔

یہ بھی پڑھیں: ٹرمپ سے ملاقات کے لیے کئی چینلز استعمال کیے گئے جن میں سے ایک کرپٹو کونسل کے بلال بن ثاقب بھی تھے، وہ ٹرمپ کے بیٹے کے ساتھ رابطے میں تھے” نجم سیٹھی کا دعویٰ۔

لوگوں کی بے حسی

حادثے کے باوجود ٹرک ڈرائیور رکا نہیں بلکہ خاتون کو روند کر فرار ہو گیا۔ اس کے بعد امیت یادو نے راہگیروں سے مدد کی اپیل کی، مگر اس کی مدد کے لیے کوئی بھی نہیں رکا۔ بالآخر، وہ بیوی کی لاش کو موٹر سائیکل سے باندھ کر گاؤں لے جانے پر مجبور ہوگیا۔

پولیس کی کارروائی

راستے میں پولیس نے اسے روک کر لاش کو اندرا گاندھی میڈیکل کالج، ناگپور منتقل کیا اور حادثاتی موت کا مقدمہ درج کر لیا۔ پوسٹ مارٹم رپورٹ کے بعد مزید کارروائی کی جائے گی۔