بھارتی کرکٹر پر خاتون سے زیادتی کے الزامات کے باعث پابندی عائد

بھارتی کرکٹر یش دیال پر پابندی

نئی دہلی (ڈیلی پاکستان آن لائن) بھارتی کرکٹر اور فاسٹ بولر یش دیال پر خاتون سے زیادتی کے الزامات کے باعث پابندی عائد کر دی گئی ہے۔

یہ بھی پڑھیں: بانی پی ٹی آئی کے خلاف 8 مقدمات میں مدعی پولیس، تمام میں سازش کی نوعیت اور تفصیل کا ذکر نہیں، وکیل سلمان صفدر کے ضمانت کی درخواستوں پر دلائل

یو پی ٹی 20 لیگ میں حصہ نہ لینے کا فیصلہ

بھارتی میڈیا کے مطابق فاسٹ بولر یش دیال کو یو پی ٹی 20 لیگ کے تیسرے ایڈیشن میں شرکت سے روک دیا گیا ہے۔ یش دیال گورکھپور لائنز کی نمائندگی کرنے والے تھے، تاہم اب لیگ جو 17 اگست سے شروع ہونی ہے، میں حصہ نہیں لیں گے۔

مقدمات اور الزامات

یش دیال رواں سال آئی پی ایل جیتنے والی رائل چیلنجرز بنگلورو کا حصہ رہے ہیں۔ ان پر خاتون کی جانب سے الزامات کے بعد مقدمہ درج کیا گیا ہے جبکہ جے پور میں بھی ان کے خلاف ایک اور کیس چل رہا ہے۔ اتر پردیش کرکٹ ایسوسی ایشن نے ان الزامات کے پیش نظر یش دیال پر لیگ کھیلنے پر پابندی لگا دی ہے۔