ہانیہ عامر کی موٹر سائیکل پر کھڑے ہو کر سوار ی، شنیرا اکرم کو غصہ آگیا، اداکارہ کے عمل کو خوفناک قرار دے دیا

شنیرا اکرم کی ہانیہ عامر پر تنقید

کراچی(ڈیلی پاکستان آن لائن) پاکستان قومی کرکٹ ٹیم کے سابق کپتان وسیم اکرم کی اہلیہ شنیرا اکرم نے اداکارہ ہانیہ عامر کی موٹر سائیکل پر سواری کے دوران رقص کرنے کے رویے کو انتہائی خوفناک قرار دیا۔

یہ بھی پڑھیں: پاکستانی مارکیٹ میں سستی ترین الیکٹرک گاڑی کی انٹری، قیمت کیا ہے؟

انفلوئنسرز کی ذمہ داری

شنیرا اکرم نے انسٹاگرام پر اپنی سٹوری میں کہا کہ انہیں کسی بھی سلیبرٹی کی جانب سے اس قسم کے رویے کو دیکھ کر شدید افسوس ہوتا ہے، کیونکہ بطور انفلوئنسر ہم کو بہت سارے لوگ فالو کرتے ہیں۔ شنیرا نے تمام انفلوئنسرز کو مخاطب کرتے ہوئے کہا کہ اس قسم کے اقدامات سے ہمارے بچوں کی زندگیوں کو خطرے میں نہ ڈالیں، کیونکہ اس قسم کا عمل ہزاروں لوگوں کے قیمتی جانوں کے ضیاع کا باعث بن سکتا ہے۔

یہ بھی پڑھیں: پی آئی اے کی نجکاری، آئی ایم ایف نے سیلز ٹیکس چھوٹ اور ایکویٹی لاسز ختم کرنے کا مطالبہ مان لیا

زندگی کی اہمیت

شنیرا اکرم نے کہا کہ زندگی سے بڑھ کر کچھ نہیں ہے، اور ماضی میں اس قسم کے اسٹنٹ سے کافی زندگیاں ضائع ہوچکی ہیں۔ شنیرا اکرم نے سوشل میڈیا پر جاری پیغام میں تمام لوگوں سے احتیاط سے بائیک چلانے اور ہیلمٹ کا استعمال کرنے کی اپیل کی۔ ان کا کہنا تھا کہ آپ اپنے لیے نہ سہی، اپنے والدین، رشتہ داروں اور دوست احباب جو آپ سے محبت کرتے ہیں، ان کی خاطر ہی احتیاط کر لیا کریں، کیونکہ آپ کی ایک غلطی آپ کے چاہنے والوں کے لیے زندگی بھر کا دکھ بن سکتی ہے۔

پچھلے تنازعہ کا حوالہ

یاد رہے کہ پاکستانی اداکارہ ہانیہ عامر کی موٹر سائیکل پر سواری کے دوران ڈانس کرنے کی ویڈیو وائرل ہوئی تھی، جس پر سوشل میڈیا صارفین نے بھی ہانیہ عامر کو تنقید کا نشانہ بنایا تھا۔