الطاف حسین کا عملاً ایم کیو ایم ختم کرنے کا اعلان

الطاف حسین کا تحریک کے کارکنوں کے لئے اہم اعلان

لندن (ڈیلی پاکستان آن لائن) متحدہ قومی موومنٹ (ایم کیو ایم) کے بانی و قائد الطاف حسین نے دنیا بھر بشمول پاکستان کے تحریکی کارکنوں کے اجلاس سے خطاب کرتے ہوئے اعلان کیا ہے کہ وہ تمام کارکنوں کو تحریک اور اپنی ذات سے وفاداری کے حلف سے آزاد کر رہے ہیں، اور اب وہ جس چاہیں سیاسی جماعت میں شامل ہو سکتے ہیں۔

یہ بھی پڑھیں: خطے میں انٹرنیٹ بندش کے حوالے سے ممالک میں پاکستان کا نمبر بہت پیچھے ہے،چیئرمین پی ٹی اے

تحریک کے لئے جدوجہد

اپنے خطاب میں الطاف حسین نے کہا کہ وہ گزشتہ 47 برس سے پاکستان کے تمام محروم و مظلوم عوام، خصوصاً مہاجر عوام کے حقوق کے لیے جدوجہد کرتے رہے ہیں۔ اس جدوجہد میں ہزاروں ساتھیوں کی شہادت، جبری گمشدگی، گھروں پر قبضے اور دربدری جیسے المیے پیش آئے۔ انہوں نے کہا کہ ان کا اپنا خاندان بھی قربانیوں میں پیچھے نہیں رہا۔

یہ بھی پڑھیں: افغانستان نے پاکستان کو شکست دے کر انڈر 19 سیریز اپنے نام کر لی

خاندانی قربانیاں

الطاف حسین نے بتایا کہ ان کے 77 سالہ بھائی ناصر حسین اور 28 سالہ بھتیجے عارف حسین کو دسمبر 1995ء میں اغوا کے بعد تین روز تک تشدد کا نشانہ بنایا گیا اور پھر گڈاپ کے علاقے میں فائرنگ کر کے قتل کر دیا گیا، جبکہ عارف حسین کے سر پر کلہاڑی کے وار کر کے جسم کے دو ٹکڑے کیے گئے۔ ان کے 70 سالہ بہنوئی اسلم ابراہانی کو بھی گرفتار کر کے چھ ماہ اڈیالہ جیل میں بہیمانہ تشدد کا نشانہ بنایا گیا، جو زخموں کی تاب نہ لا کر جاں بحق ہو گئے۔

یہ بھی پڑھیں: 10ویں بیٹل ایکس پولوکپ2024ءکا فائنل ٹیم ڈائمنڈ پینٹس نے جیت لیا

جیلوں میں اسیری کی مشکلات

انہوں نے کہا کہ ہزاروں ساتھی آج بھی جیلوں میں اسیری کی صعوبتیں برداشت کر رہے ہیں، مگر اس کے باوجود وہ اس نتیجے پر پہنچے ہیں کہ وہ پاکستان کے فرسودہ نظام کو تبدیل کرنے یا مہاجر قوم کو اس کے حقوق دلانے میں کامیاب نہیں ہو سکے۔

آزادانہ سیاسی انتخاب کی گنجائش

الطاف حسین نے کہا کہ وہ 10 اگست 2025ء سے تمام کارکنوں کو وفاداری کے حلف سے آزاد کرتے ہیں اور اب وہ اپنی مرضی کی کسی بھی سیاسی جماعت میں شامل ہو سکتے ہیں۔ انہوں نے کہا کہ جب تک زندہ ہیں، وہ سوشل میڈیا کے ذریعے اپنی جدوجہد جاری رکھیں گے، کامیابی یا ناکامی اللہ کے ہاتھ میں ہے۔