پی ٹی آئی کا 9مئی کیسز میں پارٹی رہنماؤں کو سزاؤں کا فیصلہ چیلنج کرنے کا اعلان

پی ٹی آئی کا 9 مئی کیسز میں فیصلہ چیلنج کرنے کا اعلان

اسلام آباد (ڈیلی پاکستان آن لائن) پاکستان تحریک انصاف (پی ٹی آئی) نے 9 مئی کے کیسز میں پارٹی رہنماؤں کو سزاؤں کا فیصلہ مسترد کرتے ہوئے چیلنج کرنے کا اعلان کردیا۔

یہ بھی پڑھیں: 1. 9 سال پہلے ڈبل سواری پر چالان ہوا، آج تک پرچہ خارج نہیں کروا سکا، 5 بار ضمانت، بار بار گرفتاری، بیوی سے بھی لڑائی۔۔ عام شہری کا ایک مقدمہ جس نے پورے نظام پر سوالیہ نشان لگا دیا

پی ٹی آئی چیئرمین کا ردعمل

پارلیمنٹ ہاؤس کے باہر دیگر رہنماؤں کے ساتھ میڈیا سے گفتگو کرتے ہوئے پی ٹی آئی چیئرمین بیرسٹر گوہر نے انسداد دہشت گردی عدالت کے فیصلے کو انصاف کا قتل قرار دیا۔ انہوں نے کہا کہ میں سب سے اپیل کرتا ہوں کہ بہت ہو گیا اور اب یہ سلسلہ ختم ہونا چاہیے۔ بیرسٹر گوہر نے مزید کہا کہ اگر ناانصافی کی چھری اِسی طرح چلتی رہی تو ملک مزید تقسیم ہوگا۔

یہ بھی پڑھیں: نائجیریا کے شمال مشرق میں شدت پسندوں کا خونریز حملہ، 7 فوجیوں سمیت 60 سے زائد افراد ہلاک

اسد قیصر کا بیان

اس موقع پر گفتگو کرتے ہوئے سابق اسپیکر قومی اسمبلی اسد قیصر نے کہا کہ انصاف دور دور تک نظر نہیں آتا اور اب عدالتوں پر اعتماد بھی نہیں رہا۔ انہوں نے مزید کہا کہ موجودہ پارلیمنٹ ربر اسٹیمپ بن چکی ہے اور اس کو پارلیمنٹ کہنا بھی گناہ ہے۔ اسد قیصر نے یقین دلایا کہ ہم آئین و قانون کی حکمرانی کے لئے کھڑے ہیں اور رہیں گے۔

عدالت کا فیصلہ

خیال رہے کہ انسداد دہشت گردی عدالت (اے ٹی سی) نے 9 مئی کے پرتشدد واقعات کے متعلق دو اہم مقدمات کے فیصلے میں راحت بیکری کے باہر جلاؤ گھیراؤ اور تھانہ شادمان جلاؤ گھیراؤ کا فیصلہ سناتے ہوئے پاکستان تحریک انصاف (پی ٹی آئی) کے وائس چیئرمین شاہ محمود قریشی کو بری کر دیا ہے۔