قاسم اور سلیمان سیاست میں آنا چاہیں تو انہیں کسی نے منع نہیں کیا، عمر ایوب

عمران خان کے بیٹوں کی سیاست میں شمولیت

پشاور (ڈیلی پاکستان آن لائن) تحریک انصاف کے مرکزی رہنما عمر ایوب نے کہا ہے کہ عمران خان کے بیٹے قاسم اور سلیمان اگر سیاست میں آنا چاہیں تو انہیں کسی نے منع نہیں کیا۔ جیونیوز سے گفتگو کرتے ہوئے عمر ایوب نے کہا کہ جب بھی عمران خان کے بیٹے آئیں گے، ان کو خوش آمدید کہا جائے گا۔ ان کا کہنا تھا کہ قاسم اور سلیمان اگر سیاست میں آنا چاہیں تو انہیں کوئی نہیں روکے گا، حالانکہ سیاست میں مشکل حالات کا سامنا کرنا پڑتا ہے مگر پی ٹی آئی کے بیٹے مضبوط ہیں۔

یہ بھی پڑھیں: پلیٹ فارم ٹکٹ کی بھی عجب داستان ہے

احتجاج کی حکمت عملی

ایک سوال کے جواب میں انہوں نے بتایا کہ 5 اگست کو عمران خان کا حکم تھا کہ احتجاج مقامی سطح پر کیا جائے۔ عمر ایوب نے کہا کہ اگر بانی پی ٹی آئی کہیں کہ اسلام آباد نہیں جانا تو ہم کون ہوتے ہیں وہاں جانے والے۔

یہ بھی پڑھیں: پنجاب کے میدانی علاقوں میں شدید سموگ اور دھند کے باعث موٹر وے بند

پنجاب میں پولیس کے مظالم

عمر ایوب کا مزید کہنا تھا کہ پنجاب میں پولیس ظلم و بربریت پر اتر آئی ہے۔ انہوں نے یاد دہانی کرائی کہ ماضی میں مذاکرات کرنے کی کوشش کی تھی، لیکن حکومت کو بے بس پایا۔ ان کا کہنا تھا کہ اگر پنجاب میں حکومت پٹواری بھی اپنی مرضی کا نہیں لگا سکتی تو ان کے ساتھ کیا مذاکرات کیے جا سکتے ہیں؟

عمران خان کی جیل سے رہائی کے حوالے سے

علاوہ ازیں، عمر ایوب نے کہا کہ ان کے علم میں نہیں ہے کہ عمران خان کو جیل سے نکلنے کے لیے کوئی آفر آئی ہو، اگر عمران خان کو کوئی ڈیل کی پیشکش بھی ہو تو وہ اسے قبول نہیں کریں گے۔