بھارت پاکستان کی وائٹ ہاؤس میں پذیرائی سے ناراض، امریکہ فیلڈ مارشل عاصم منیر کو خطے میں سٹریٹجک ثالث کے طور پر دیکھ رہا ہے: فنانشل ٹائمز

برطانوی اخبار کی رپورٹ

لندن (ڈیلی پاکستان آن لائن) برطانوی اخبار ’’فنانشل ٹائمز‘‘ نے فیلڈ مارشل سید عاصم منیر کے حالیہ دورۂ امریکہ سے متعلق رپورٹ جاری کردی۔

یہ بھی پڑھیں: ریلویز میں 550 اسامیوں کے لیے 30 ہزار 247 درخواستیں موصول

استقبال اور تقریب کی تفصیلات

فنانشل ٹائمز نے اپنی رپورٹ میں بتایا کہ امریکہ میں فیلڈ مارشل سید عاصم منیر کا استقبال کیا گیا۔ فیلڈ مارشل سید عاصم منیر نے جنرل مائیکل کوریلا کی ریٹائرمنٹ پر فلوریڈا میں منعقد ہونے والی تقریب میں شرکت کی۔

یہ بھی پڑھیں: پنکی پیرنی نے سعودی سرمایہ کاری کیخلاف بیان دیا ، سارے ٹبر کو لے کر شاہی مہمان خانے میں بیٹھی تھی تو سازش یاد نہ آئی؟ مریم اورنگزیب

امریکی صدر سے ملاقات

’’جیو نیوز‘‘ کے مطابق رپورٹ میں بتایا گیا کہ اس سے قبل فیلڈ مارشل سید عاصم منیر کی امریکی صدر ڈونلڈ ٹرمپ سے ملاقات ہوئی۔ فیلڈ مارشل سید عاصم منیر کے دورۂ امریکہ کے بعد پاک، امریکہ تعلقات میں غیر متوقع پیش رفت آئی ہے اور امریکہ فیلڈ مارشل عاصم منیر کو خطے میں سٹریٹجک ثالث کے طور پر دیکھ رہا ہے۔ امریکی صدر نے پاکستان کے تیل کے ذخائر کی ترقی کے لیے معاہدے کا وعدہ کیا اور پاکستان نے امریکہ کو خاص طور پر توانائی، معدنیات اور کرپٹو میں سرمایہ کاری کے نئے مواقع دیئے۔

یہ بھی پڑھیں: سکردو میں لینڈ سلائیڈنگ کی زد میں آ کر 5 افراد جاں بحق

بھارت کی ناپسندیدگی

فنانشل ٹائمز نے رپورٹ میں یہ بھی کہا کہ بھارت پاکستان کی وائٹ ہاؤس میں پذیرائی سے ناراض ہے۔ مودی اور ٹرمپ کے درمیان کشیدگی کی اطلاع ہے جبکہ پاکستان نے جنگ بندی کے سہولت کار کے طور پر امریکی صدر کو پیش کیا۔ بھارت کے مقابلے میں پاکستان پر امریکی تجارتی ٹیکس 19 فیصد جبکہ بھارت پر 50 فیصد سخت ٹیکس عائد کیے گئے۔

یہ بھی پڑھیں: عمران خان کے واضح فیصلہ نہ کرنے پر سینٹ ٹکٹوں کے معاملے پر بحران پیدا ہوا : تجزیہ کار عثمان شامی

پاکستان کے بین الاقوامی تعلقات

فنانشل ٹائمز نے بتایاکہ پاکستان نے امریکہ، چین، ایران، خلیجی ممالک اور روس کے ساتھ بیک وقت تعلقات قائم رکھے اور پاکستان نے داعش کے ایک اعلیٰ دہشت گرد کی گرفتاری میں بھی اہم کردار ادا کیا۔

نئے معاہدے اور تجارت

رپورٹ کے مطابق پاکستان نے ’’ورلڈ لبرٹی فنانشل‘‘ کے ساتھ کرپٹو ٹوکنز کے لیے مفاہمتی یادداشت پر دستخط کیے جبکہ کرپٹو اور بلاک چین کے وزیر بلال بن ثاقب نے واشنگٹن میں تجارتی بات چیت میں حصہ لیا۔ ایشیا پیسیفک فاؤنڈیشن کے سینئر فیلو مائیکل کوگل مین کے مطابق امریکہ اور پاکستان کے تعلقات میں جو کچھ ہو رہا ہے وہ حیران کن ہے۔