سرکاری حج سکیم کے تحت ملک بھر میں 91 ہزار 300 درخواستیں جمع

اسلام آباد میں سرکاری حج سکیم کی درخواستیں

اسلام آباد (ڈیلی پاکستان آن لائن) سرکاری حج سکیم کے تحت درخواستوں کی وصولی جاری ہے اور آن لائن پورٹل اور نامزد بینکوں کے ذریعے اب تک 91 ہزار 300 درخواستیں جمع ہوچکی ہیں۔

یہ بھی پڑھیں: وفاقی کابینہ کا 5 لاکھ ٹن چینی درآمد کرنے کا حتمی فیصلہ

درخواستوں کی آخری تاریخ

وزارتِ مذہبی امور کے مطابق بقیہ 26 ہزار 910 نشستوں کے لیے درخواستیں 16 اگست تک وصول کی جائیں گی تاہم دستیاب سیٹیں مکمل ہوتے ہی درخواستوں کی وصولی روک دی جائے گی۔

یہ بھی پڑھیں: انسٹاگرام پر بھارتی اداکارہ کی بولڈ تصاویر لائیک کرنے پر کوہلی کو وضاحت دینا پڑ گئی

حج پیکیجز کی تفصیلات

سرکاری اسکیم میں 40 روزہ لانگ حج اور 25 روزہ شارٹ حج پیکیج کی سہولت موجود ہے۔ درخواست کے ساتھ پیکج کے مطابق 5 لاکھ یا ساڑھے 5 لاکھ روپے کی پہلی قسط جمع کرانا لازمی ہے جبکہ دوسری قسط یکم نومبر سے وصول کی جائے گی۔

بیرون ملک مقیم پاکستانیوں کے لیے معلومات

بیرونِ ملک مقیم پاکستانی پاسپورٹ ہولڈرز بھی درخواست جمع کرانے کے اہل ہیں۔