میو ہسپتال میں نرسنگ افسران پر کرپشن الزامات، محکمہ صحت کی تحقیقات شروع

تحقیقاتی کمیٹی کا قیام

لاہور (ڈیلی پاکستان آن لائن) محکمہ صحت پنجاب نے میو ہسپتال میں نرسنگ افسران پر کرپشن اور بدعنوانی کے الزامات کے بعد 2 رکنی تحقیقاتی کمیٹی تشکیل دے کر تحقیقات کا آغاز کر دیا۔

یہ بھی پڑھیں: وزیراعظم شہباز شریف کی نیویارک میں اقوام متحدہ کی جنرل اسمبلی کے 80ویں اجلاس میں شرکت

کمیٹی کی درخواستیں

سما ٹی وی کے مطابق کمیٹی سے گزشتہ پانچ سال کی تنخواہوں، ڈیوٹی روسٹرز، چھٹیوں اور نرسز کی بیرون ملک آمدورفت کا ریکارڈ طلب کیا گیا ہے۔

شفاف تحقیقات کی یقین دہانی

محکمہ صحت کے مراسلے کے مطابق نرسنگ افسران اور عملے سے متعلق کرپشن کی شکایات پر یہ کارروائی شروع کی گئی۔ کمیٹی کو 15 روز میں رپورٹ جمع کرانے کی ہدایت کی گئی ہے۔ حکام نے کہا کہ شفاف تحقیقات کے ذریعے حقائق سامنے لائے جائیں گے اور ذمہ داروں کے خلاف سخت کارروائی کی جائے گی.