پولیس نے عمران خان کی بہنوں کو تھوڑی دیر کی تحویل کے بعد چھوڑ دیا

عمران خان کی بہنوں کی گرفتاری

راو لپنڈی (ڈیلی پاکستان آن لائن) پولیس نے پاکستان تحریک انصاف (پی ٹی آئی) کے بانی عمران خان کی بہنوں علیمہ خان اور نورین نیازی کو اڈیالہ جیل کے قریب داہگل ناکے پر تحویل میں لینے کے کچھ دیر بعد چکری انٹرچینج پر چھوڑ دیا۔

یہ بھی پڑھیں: کارساز حادثے کے کیس میں مقامی عدالت نے ملزمہ نتاشہ دانش کو بری کر دیا

پی ٹی آئی کارکنوں کی رہائی

پولیس نے عمران خان کی بہنوں کے ساتھ حراست میں لیے گئے پی ٹی آئی کے 9 کارکنوں کو بھی رہا کر دیا ہے۔ اڈیالہ جیل کے قریب داہگل ناکے پر علیمہ خان اور نورین نیازی کو تحویل میں لینے کے بعد پولیس دونوں کو لے کر چکری انٹر چینج کی طرف چلی گئی تھی۔

یہ بھی پڑھیں: اداکارہ پریتی زنٹا معروف کھلاڑی گلین میکسویل کے ساتھ شادی نہ کرنے کے سوال پر غضبناک ہوگئیں

دھرنا اور میڈیا سے بات چیت

علیمہ خان اور نورین نیازی نے بانی پی ٹی آئی عمران خان سے ملاقات نہ کرانے پر اڈیالہ جیل کے قریب داہگل ناکے پر دھرنا دے رکھا تھا۔ اس سے پہلے پولیس حکام نے علیمہ خان اور نورین نیازی سے واپس جانے کی درخواست کی تھی۔ تحویل میں لیے جانے سے قبل علیمہ خان نے اڈیالہ جیل کے قریب میڈیا سے گفتگو کرتے ہوئے کہا تھا کہ اوپن ٹرائل کا کوئی تقاضا پورا نہیں کیا جا رہا، بانی پی ٹی آئی کو یہ ریلیف نہیں دینا چاہتے کیونکہ پھر سب کو آزاد کرنا پڑے گا۔

حکومت کا خوف

انہوں نے کہا کہ موجودہ حکومت کو اپنا ڈر پڑا ہوا ہے، آج ہم اڈیالہ جیل ملاقات کے لیے آئے تھے مگر ہمیں جیل سے 2 کلو میٹر دور روک دیا گیا۔