کراچی کے علاقے بہادرآباد میں کریڈٹ کارڈ بنوانے کے بہانے بلا کر 26 سالہ لڑکی سے زیادتی کا انکشاف

کراچی میں 26 سالہ لڑکی کے ساتھ زیادتی کا واقعہ

کراچی (ڈیلی پاکستان آن لائن) بہادر آباد دھوراجی شیرپاؤ بستی میں بینک میں کام کرنے والی 26 سالہ لڑکی سے کریڈٹ کارڈ بنوانے کے بہانے بلا کر زیادتی کا انکشاف ہوا ہے۔ واقعے کا مقدمہ متاثرہ لڑکی کی مدعیت میں بہادر آباد تھانے میں درج کرلیا گیا۔

یہ بھی پڑھیں: بلٹ ٹرین چلانے کے فیصلے پر عملدرآمد کے لیے ورکنگ گروپ تشکیل

واقعے کی تفصیلات

متاثرہ لڑکی نے پولیس کو بیان دیا کہ وہ بینک میں گاڑیاں لیزنگ اور کریڈٹ کارڈ بنانے کا کام کرتی ہے۔ ملزمان نے اسے کریڈٹ کارڈ بنوانے کے بہانے بلا کر زیادتی کا نشانہ بنایا اور ویڈیو بناتے رہے۔

یہ بھی پڑھیں: پاکستان میں ’می ٹو مہم‘ کا غلط استعمال کیا گیا: کومل میر

ملزمان کا طریقہ کار

بیان میں بتایا گیا کہ 7 جولائی کو مہزور نامی شخص نے کریڈٹ کارڈ بنوانے کے لیے رابطہ کیا۔ 10 اگست کو دھوراجی میں نجی اسپتال کے قریب بلا کر اسے ایک مکان پر لے جايا گیا۔ وہاں اسے جوس پلایا گیا، جس کے بعد وہ نیم بے ہوش ہو گئی۔

یہ بھی پڑھیں: بھارتی کرکٹر کی میچ کے دوران موت ہو گئی

زیادتی کا واقعہ

لڑکی نے اپنے بیان میں کہا کہ دوسرے آدمی نے اسے بیڈ پر باندھ دیا اور پہلا آدمی زیادتی کرتا رہا۔ ملزمان ایک گھنٹے تک زیادتی کرتے رہے اور ویڈیوز بناتے رہے۔ اس شخص نے کہا کہ دوبارہ ملنے آنا، ورنہ ویڈیو وائرل کر دوں گا اور دھمکی دی کہ جان سے مار دوں گا۔

پولیس کا ردعمل

لڑکی نے مکان سے نکلنے کے بعد رکشے میں سیدھے جناح اسپتال پہنچی۔ ایس ایچ او بہادر آباد نوید سومرو کے مطابق، متاثرہ لڑکی پولیس کو واقعے کی اطلاع دیے بغیر اسپتال پہنچی تھی، جبکہ تھانہ بھی بہت قریب تھا۔ ایم ایل او کی اطلاع پر پولیس اسپتال پہنچ گئی اور متاثرہ لڑکی کا بیان قلمبند کیا۔ پولیس نے مقدمہ درج کرکے مزید تفتیش شروع کردی ہے۔