احتجاج اور صہیونی مصنوعات کا بائیکاٹ وقت کی ضرورت ہے: حافظ نعیم الرحمان

کراچی میں بحرانوں کی صورتحال

کراچی (ڈیلی پاکستان آن لائن) امیر جماعت اسلامی پاکستان حافظ نعیم الرحمان نے کہا ہے کہ کراچی میں بحرانوں کا انبار لگا ہوا ہے۔ ملک اور صوبے کو چلانے والے شہر کا کوئی پُرسان حال نہیں۔

یہ بھی پڑھیں: خواتین اور بچوں پر تشدد کرنیوالوں سے نرمی نہیں برتی جائے گی: گھریلو تشدد کی شکار 13سالہ بچی سے چیئرپرسن ویمن پروٹیکشن اتھارٹی کی ملاقات

انفراسٹرکچر کی حالت

انفراسٹرکچر تباہ حال اور شہری بجلی، پانی، سیوریج، خستہ حال سڑکوں و ٹرانسپورٹ سمیت صحت و تعلیم کے مسائل کا شکار ہیں۔ نوجوانوں کے لیے سرکاری نوکریوں کے دروازے بند ہیں۔

یہ بھی پڑھیں: ہم نے تو کوئی دیکھنے والا نہیں دیکھا۔۔۔

سیاسی صورتحال

پیپلز پارٹی اور ایم کیو ایم کو مسلط کر کے کراچی کو تباہ و برباد کر دیا گیا ہے۔ ٹریفک حادثات کی بنیاد پر لسانی فسادات کو ہوا دی جا رہی ہے۔ پیپلز پارٹی اور ایم کیو ایم یہاں ایک بار پھر لسانی فسادات کروانا چاہتی ہیں۔

یہ بھی پڑھیں: عیدالاضحیٰ پر 10 دن کی چھٹیوں کا اعلان

جماعت اسلامی کا کردار

کراچی میں ملک کے ہر علاقے اور زبان بولنے والے لوگ رہتے ہیں۔ جماعت اسلامی کراچی کے عوام کو تنہا نہیں چھوڑے گی۔ اگر کراچی کو اس کا جائز اور قانونی حق نہ دیا گیا اور عوام کے مسائل حل نہیں کیے گئے تو جماعت اسلامی بھرپور تحریک چلائے گی۔

یہ بھی پڑھیں: لاہور سمیت پنجاب بھر میں سی سی ڈی کے مبینہ مقابلوں میں 480 ملزمان ہلاک

عدلیہ اور پارلیمان کی صورتحال

ملک میں عدلیہ کو تباہ اور 26ویں آئینی ترمیم کے ذریعے عدلیہ کے دانت توڑ دیئے گئے ہیں اور اب 27ویں آئینی ترمیم کی تیاری کی جا رہی ہے۔ پی ٹی آئی کے پارلیمانی نمائندوں کی نااہلی کا فیصلہ سیاسی اور قابل مذمت ہے۔

یہ بھی پڑھیں: وزیراعلیٰ مریم نواز کا تیز آندھی، بارش کے دوران حادثات پر اظہار افسوس، نشیبی علاقوں سے جلد از جلد نکاسیٔ آب کیلئے اقدامات کا حکم

عالمی مسائل پر جائزہ

ملک میں اعتماد کا بحران مزید بڑھ رہا ہے اور نوجوان مایوس ہو رہے ہیں۔ اہل غزہ و فلسطین کو بھی ہر گز تنہا نہیں چھوڑا جا سکتا۔ ان کے حق میں احتجاج اور صہیونی مصنوعات کے بائیکاٹ کی مہم وقت کی ضرورت ہے۔ یوم آزادی کے فوری بعد فلسطین کے حوالے سے پورے ملک میں از سر نو تحریک چلائیں گے۔

یہ بھی پڑھیں: دریائے سوات میں بارش کے بعد پانی کا ریلہ 18 افراد کو بہا لے گیا

پریس کانفرنس کی تفصیلات

ان خیالات کا اظہار انہوں نے "ادارہ نور حق" میں پریس کانفرنس سے خطاب کرتے ہوئے کیا۔ اس موقع پر امیر جماعت اسلامی کراچی منعم ظفر خان، نائب امیر کراچی و اپوزیشن لیڈر کے ایم سی سیف الدین ایڈوکیٹ، سیکرٹری اطلاعات زاہد عسکری، ٹاؤن چیئر مین گلشن اقبال ڈاکٹر فواد، ٹاؤن چیئر مین نارتھ ناظم آباد عاطف علی خان، ٹاؤن چیئر مین لیاقت آباد فراز حسیب، سیکرٹری پبلک ایڈ کمیٹی نجیب ایوبی، نائب صدر عمران شاہد و دیگر بھی موجود تھے۔

غزہ کی صورتحال

حافظ نعیم الرحمان نے مزید کہا کہ غزہ میں صورتحال انتہائی تشویشناک ہے۔ اسرائیل بدترین بمباری کرکے ہمارے فلسطینی بھائیوں کو شہید کر رہا ہے اور بھوک اور قحط سے بھی لوگوں کو شہید کر رہا ہے۔ ابتک فلسطین میں 247 صحافی شہید ہو چکے ہیں۔ ہم حماس اور فلسطینی عوام کو سلام پیش کرتے ہیں جو تمام تر ظلم و ستم کے باوجود استقامت کے ساتھ ڈٹے ہوئے ہیں۔