اداکارہ ریشم نے روبی انعم کے نامناسب رویے پر بشریٰ انصاری سے معذرت کرلی

ریشم کا روبی انعم سے معذرت

لاہور (ڈیلی پاکستان آن لائن) ماضی کی مقبول فلمی ہیروئن ریشم نے اسٹیج اداکارہ روبی انعم کی جانب سے سینئر اداکارہ بشریٰ انصاری کے لیے استعمال کیے گئے توہین آمیز الفاظ پر معذرت کر لی ہے۔

یہ بھی پڑھیں: ستاروں کی روشنی میں آپ کا آئندہ ہفتہ کیسا گزرے گا ؟

روبی انعم کا بیان

روبی انعم نے چند دن قبل ایک پوڈکاسٹ میں کہا تھا کہ بشریٰ انصاری ان کی پسندیدہ ہیں، وہ انہیں بہت پسند کرتی ہیں، لیکن اگر وہ یہ کہیں تو یہ جھوٹ نہیں ہوگا کہ اس عمر میں انہیں آرام کرنا چاہیے۔ بشریٰ انصاری کے ولاگز ان پر سوٹ نہیں کرتے اور انہیں اللہ سے ڈرنا چاہیے کہ وہ اس عمر میں کام کر رہی ہیں، کیونکہ وہ ہماری ماؤں سے بھی بڑی ہیں۔

یہ بھی پڑھیں: مودی پر جنگی جنون طاری، فضائی صلاحیتوں کو مضبوط بنانے کے لیے کتنے ہزار کروڑ کا دفاعی نظام خریدنے کی تیاری کر لی۔۔۔؟ تہلکہ خیز انکشافات

شوبز شخصیات کی تنقید

ایسے بیان پر روبی انعم کو دوسری شوبز شخصیات نے بھی آڑے ہاتھوں لیا تھا اور اب ریشم نے بھی انہیں آڑے ہاتھوں لیتے ہوئے ان کی زبان کو نامناسب قرار دے دیا۔ ریشم نے انسٹاگرام پر جاری کردہ ویڈیو میں روبی انعم کا نام لیے بغیر انہیں لاہور کی اسٹیج اداکارہ قرار دیا اور کہا کہ ہمیشہ لاہور کے اداکار کراچی کے اداکاروں کے حوالے سے نامناسب باتیں کرتے ہیں۔ ماضی میں فردوس جمال نے ہمایوں سعید سے متعلق نامناسب باتیں کیں اور اب اسٹیج اداکارہ نے بشریٰ انصاری کے حوالے سے نامناسب گفتگو کی۔

یہ بھی پڑھیں: اسلام آباد ہائی کورٹ بینچ تبدیلی کیس میں ڈویژن بینچ کا نیا حکمنامہ جاری

ریشم کی رائے

اداکارہ کا کہنا تھا کہ روبی انعم کا رویہ انتہائی نامناسب تھا۔ انہوں نے ایسی شخصیت کے خلاف بات کی، جنہوں نے ہمیشہ پاکستان کا نام روشن کیا۔ بشریٰ انصاری کئی سال سے وطن اور شوبز کی خدمت کرتی آ رہی ہیں، ان کا بڑا نام ہے، ان کے کام سے ملک کی عزت ہوتی ہے، لیکن اسٹیج اداکارہ نے اپنی ویڈیو وائرل کرنے کے چکر میں ان کے لیے نامناسب زبان استعمال کی۔