بھارت نے دریائے ستلج میں پانی چھوڑ دیا،گنڈا سنگھ والا پر درمیانے درجے اور ہیڈ سلیمانکی پر نچلے درجے کا سیلاب

لاہور میں سیلاب کی صورت حال

لاہور (ڈیلی پاکستان آن لائن) بھارت کی جانب سے دریائے ستلج میں پانی چھوڑے جانے کے بعد پانی کی سطح میں اضافے کے باعث پاکستانی علاقوں میں سیلابی صورتحال کا سامنا ہے۔

یہ بھی پڑھیں: جیکب آباد؛ریلوے ٹریک پر دھماکا، جعفر ایکسپریس کی 4بوگیاں پٹری سے اتر گئیں

بھارتی پانی چھوڑنے کی تفصیلات

تفصیلات کے مطابق دریائے ستلج میں بھارت کی جانب سے پانی چھوڑے جانے کے بعد گنڈا سنگھ والا پر درمیانے درجے اور ہیڈ سلیمانکی پر نچلے درجے کا سیلاب ہے۔

یہ بھی پڑھیں: اگر بھارت حملہ کرے تو سکھ پاکستان کی پہلی دفاعی لائن ہوں گے: گرپتونت سنگھ

فلڈ وارننگ اور حفاظتی اقدامات

فلڈ وارننگ سینٹر کے مطابق گنڈا سنگھ والا پر درمیانے درجے کے سیلاب کے پیش نظر قصور، اوکاڑہ اور پاکپتن میں دریا کے کنارے قائم آبادیوں سے شہریوں کو محفوظ مقامات پر منتقل کر دیا گیا ہے۔ گنڈا سنگھ کے مقام پر پانی کا بہاؤ 128509 کیوسک اور ہیڈ سلیمانکی پر 75 ہزار کیوسک ریکارڈ کیا گیا ہے۔

یہ بھی پڑھیں: پاکستان میں الیکٹرک کاروں کی اسمبلی شروع، مگر چیلنجز برقرار: سیرس تھری کی تیاری میں مشکلات کی وجوہات کیا ہیں؟

ریسکیو کارروائیاں

ریسکیو حکام کے مطابق فلڈ ریلیف آپریشن کے دوران گزشتہ روز 444 افراد کو محفوظ مقام پر منتقل کیا گیا، 470 مویشیوں کو ریسکیو کیا گیا اور 4 ہزار سے زائد افراد کو کشتی سروس دی گئی۔ مزید برآں، ریسکیو ریلیف کیمپ کی تعداد 9 سے بڑھا کر 16 کردی گئی ہے۔

یہ بھی پڑھیں: بنگلہ دیش اور بھارت پھر آمنے سامنے

زرعی نقصانات

محکمہ آبپاشی کے مطابق حاصل پور کے قریب ہیڈ اسلام پر بھی پانی کی سطح میں اضافہ ریکارڈ کیا گیا ہے۔ سیلابی صورتحال کے باعث دریا کے بیٹ میں ہزاروں ایکڑ زرعی اراضی زیر آب آگئی ہے۔

دیگر دریاؤں کی صورتحال

فلڈ فورکاسٹنگ ڈویژن لاہور کے مطابق دریائے سندھ میں گڈو اور سکھر بیراج پر درمیانے درجے کے سیلاب ہیں جبکہ تربیلا اور تونسہ کے مقام پر نچلے درجے کا سیلاب ہے۔