معروف ڈیزائنر ماریہ بی کوٹرانس جینڈر کمیونٹی کے خلاف بولنا مہنگا پڑ گیا، سائبر کرائم ایجنسی میں طلب
تحقیقات کا آغاز
لاہور(ڈیلی پاکستان آن لائن) معروف ڈیزائنر ماریہ بی کیخلاف نیشنل سائبر کرائم انویسٹی گیشن ایجنسی میں انکوائری شروع کردی گئی۔
یہ بھی پڑھیں: ٹرمپ نے ایران کو جنگ بندی پر آمادہ کرنے کیلئے کس مسلم ملک سے مدد مانگی؟
درخواست کی تفصیلات
رپورٹ کے مطابق ماریہ بی کیخلاف سوشل میڈیا پر ٹرانس جینڈرز کمیونٹی کیخلاف گفتگو کرنے پر ٹرانس جینڈر نعیم بٹ عرف سیما بٹ نے این سی سی آئی اے میں درخواست دی۔
یہ بھی پڑھیں: ڈی ایچ اے لاہور ٹینس چیمپئن شپ؛ ہادی حسین اور موسیٰ ہارون مردوں کے سنگلز فائنل میں پہنچ گئے
پرافیگنڈا کے الزامات
ایکسپریس نیوز کے مطابق درخواست گزار کا کہنا ہے ماریہ بی نے سوشل میڈیا پر ٹرانس جینڈر کمیونٹی کیخلاف پراپیگنڈا کیا۔ ماریہ بی کے پراپیگنڈا کی وجہ سے ٹرانس جینڈرز کی دل آزاری ہوئی۔
یہ بھی پڑھیں: بانی پی ٹی آئی، بشریٰ بی بی کیخلاف 190ملین پاؤنڈ ریفرنس کا فیصلہ موخر
طلبی کی تاریخ
نیشنل سائبر کرائم انویسٹی گیشن ایجنسی نے ماریہ بی کیخلاف انکوائری شروع کرتے ہوئے انہیں 26 اگست کو طلب کرلیا ہے۔
ویڈیو بیان اور مطالبات
واضح رہے کہ ماریہ بی نے حال ہی میں ایک ویڈیو بیان جاری کرتے ہوئے لاہور میں ایک ٹرانس جینڈر پارٹی منعقد ہونے کا دعویٰ کیا تھا جس کی ایک ویڈیو بھی ان کے بیان میں شامل تھی۔ ڈیزائنر نے پنجاب حکومت سے اس کیخلاف ایکشن لینے کا مطالبہ بھی کیا تھا.
