پنجاب میں 40 سال سے زیر التواء مقدمات نمٹانے کے لیے ماڈل کورٹس کے ججز نامزد

تاریخی فیصلہ: چیف جسٹس عالیہ نیلم کی جانب سے ماڈل کورٹس کا قیام

لاہور(ڈیلی پاکستان آن لائن) چیف جسٹس ہائیکورٹ مس عالیہ نیلم نے صوبہ بھر میں زیر التواء مقدمات کے جلد فیصلے یقینی بنانے کیلئے ایک اہم اور تاریخی فیصلہ کر لیا۔

یہ بھی پڑھیں: شرح سود میں کمی کا امکان، فیصلہ 31 جولائی کو ہوگا

زیر التواء کیسز کا فوری حل

ماتحت عدالتوں میں سالہا سال سے زیر التواء کیسز، خصوصاً لاہور اور ملتان میں 40، 40 سال پرانے مقدمات کو ترجیحی بنیادوں پر نمٹانے کیلئے ماڈل کورٹس کے قیام اور ان کیلئے ججز کی نامزدگی کی منظوری دے دی گئی۔

یہ بھی پڑھیں: سپین میں سوشل میڈیا کے ذریعے انتہائی خطرناک جانور بیچنے والا جوڑا گرفتار

ماڈل کورٹس کی تفصیلات

دنیا ٹی وی کے مطابق چیف جسٹس مس عالیہ نیلم نے ماڈل کورٹس کیلئے ایڈیشنل سیشن ججز، سینیئر سول ججز اور مجسٹریٹس کو نامزد کرتے ہوئے انہیں واضح ٹاسک سونپا ہے کہ پرانے کیسز پر فوری کارروائی کرتے ہوئے جلد از جلد فیصلے سنائے جائیں۔ اس اقدام کے تحت یکم ستمبر سے پنجاب بھر میں ماتحت عدلیہ کے ججز باقاعدہ طور پر پرانے کیسز کی سماعت کا آغاز کریں گے۔

یہ بھی پڑھیں: ایران، اسرائیل جنگ بندی کے پیچھے بھی وردی ہے: وزیر داخلہ محسن نقوی کا انکشاف

سول ماڈل کورٹس کا قیام

چیف جسٹس نے نہ صرف فوجداری عدالتوں بلکہ تاریخ میں پہلی مرتبہ سول ماڈل کورٹس کے قیام کی بھی منظوری دی ہے، جس کا مقصد انصاف کے عمل کو تیز اور مؤثر بنانا ہے۔

خصوصی بینچز کی تشکیل

اس کے علاوہ لاہور ہائیکورٹ میں ٹیکس اور کمرشل کیسز کیلئے بھی خصوصی بینچز بنانے کا فیصلہ کیا گیا ہے، تاکہ کاروباری اور مالیاتی تنازعات کے فیصلے بھی جلد ہو سکیں۔