اسلام آباد اور راولپنڈی میں موسلادھار بارش، مارگلہ ہلز کے ٹریلز بند، ندی نالوں میں طغیانی، راول ڈیم کے سپل وے کھول دیئے گئے
اسلام آباد اور راولپنڈی میں موسلادھار بارش
اسلام آباد (ڈیلی پاکستان آن لائن) میں موسلادھار بارش کا سلسلہ جاری ہے۔ شدید بارش کی پیش گوئی کے تحت مارگلہ ہلز پر ٹریل دو، تین، چار اور پانچ آج بند رہیں گے۔ سید پور گاؤں کے عقب میں واقع ٹریل بھی بند رہے گا۔
یہ بھی پڑھیں: پنچائت میں سچے کو سچا اور جھوٹے کو جھوٹا کہنے کے عادی ہیں، برادری ازم، معاشی اور معاشرتی ناہمواریوں کی نفی کرتے انسانیت کے قدر دان ہیں
بارش کے اثرات
’’جنگ‘‘ کے مطابق اسلام آباد میں موسلا دھار بارش کے باعث ندی نالوں میں طغیانی ہے۔ شدید بارش کی وجہ سے اسلام آباد کا علاقہ بہارہ کہو اٹھال چوک پانی میں ڈوب گیا ہے۔ بارش کا پانی گھروں اور دکانوں میں داخل ہوگیا ہے، جس کی وجہ سے کئی گاڑیاں بھی پھنس گئیں۔
راول ڈیم کی صورتحال
بارش کے باعث راول ڈیم کے سپل وے کھول دیئے گئے ہیں، جو علاقے میں مزید پانی کی گزرگاہ فراہم کر رہے ہیں۔
