پاکستان اور بنگلادیش میں دوطرفہ تعلقات، اقتصادی و تجارتی تعاون کے فروغ پر اتفاق

پاکستان اور بنگلادیش کے درمیان اہم ملاقات

ڈھاکہ(ڈیلی پاکستان آن لائن) پاکستان کے نائب وزیراعظم و وزیر خارجہ سینیٹر اسحاق ڈار نے بنگلادیش کے ایڈوائزر برائے خارجہ امور محمد توحید حسین سے ڈھاکا میں اہم ملاقات کی جس میں دوطرفہ تعلقات کے فروغ پر اتفاق کیا گیا۔

یہ بھی پڑھیں: بھکر میں اغوا اور قتل کیس کا ڈراپ سین، بیوی اور آشنا ہی شہری کے قاتل نکلے

مذاکرات کا دور

نجی ٹی وی چینل دنیا نیوز کے مطابق ڈھاکہ میں دونوں ممالک کے وفود کے درمیان اعلیٰ سطح پر مذاکرات ہوئے جن میں دوطرفہ تعلقات، اقتصادی و تجارتی تعاون اور علاقائی مسائل پر تفصیلی تبادلۂ خیال کیا گیا۔

یہ بھی پڑھیں: اپوزیشن لیڈر عمرایوب ، ملک احمد چھٹہ اور عظیم الدین بھی اڈیالہ جیل کے باہر سے گرفتار

ملاقات کے اہم نکات

دفتر خارجہ کے مطابق بات چیت میں اعلیٰ سطح پر روابط، عوامی سطح پر روابط، ثقافتی تبادلے، تعلیم و استعداد کار میں اضافے کے منصوبے اور انسانی بنیادوں پر تعاون بھی زیرِ بحث آئے، علاقائی اور بین الاقوامی معاملات پر غور کیا گیا، سارک کی بحالی، مسئلہ فلسطین اور روہنگیا بحران کے حل پر زور دیا گیا۔

یہ بھی پڑھیں: ملک بدری کے خطرات کے باوجود بھارتی شہری آخر امریکہ جانے کا خواب کیوں دیکھتے ہیں؟

مثبت ماحول میں مذاکرات

وزارت خارجہ کے مطابق خوشگوار ماحول میں ہونے والی ملاقات میں فریقین نے دو طرفہ تعلقات کو مزید مضبوط بنانے کے عزم کا اعادہ کیا۔

یہ بھی پڑھیں: ضیاء چشتی کیس: ٹی آر جی پاکستان کی انتظامیہ نے دھوکہ دہی سے کام کیا: سندھ ہائیکورٹ

تفصیلات اور اعزازات

وزارت خارجہ کے مطابق مذاکرات مثبت اور خوشگوار ماحول میں ہوئے جو دونوں ممالک کے درمیان موجود خیرسگالی اور دوستانہ تعلقات کی عکاسی کرتے ہیں، مذاکرات میں دونوں ممالک کے متعلقہ شعبوں کے اعلیٰ حکام بھی شریک تھے۔ اس موقع پر بنگلادیش کے مشیر خارجہ امور نے نائب وزیراعظم و وزیر خارجہ اسحاق ڈار کے اعزاز میں ظہرانے کا بھی اہتمام کیا۔

یہ بھی پڑھیں: وزیراعظم کی قومی ایئر لائن کی نجکاری کے مراحل شفاف طریقے سے مکمل کرنے کی ہدایت

اقتصادی تعاون کے طریقے

علاوہ ازیں وزیرِ خارجہ اسحاق ڈار اور بنگلہ دیش کے مشیر برائے تجارت شیخ بشیرالدین کے درمیان اقتصادی اور تجارتی تعاون کو فروغ دینے کے طریقوں پر تبادلہ خیال ہوا، جس میں خاص طور پر تجارت میں اضافے اور روابط کے فروغ پر توجہ دی گئی۔

یہ بھی پڑھیں: شاہ محمود قریشی کئی برسوں سے پتّے کی پتھری کے مرض میں مبتلا ہیں، اب اُن کی حالت ایسی ہے کہ آپریشن ناگزیر ہو چکا ہے، مہربان وقریشی

ساجھے داری اور معاہدے

ترجمان دفتر خارجہ کے مطابق وزیرِ تجارت جام کمال خان بھی اس ملاقات میں شریک ہوئے جہاں دو طرفہ تجارت، سرمایہ کاری اور اقتصادی تعاون پر تفصیلی بات چیت ہوئی۔ گورنر بنگلادیش بینک، ایگزیکٹو چیئرمین بنگلادیش انویسٹمنٹ ڈیویلپمنٹ اتھارٹی، چیئرمین ٹریڈنگ کارپوریشن، چیئرمین سول ایوی ایشن اتھارٹی، ایکٹنگ وائس چیئرمین ایکسپورٹ پروموشن بیورو، بنگلا دیش کے کامرس و ایوی ایشن کے سیکرٹری، چیئرمین نیشنل بورڈ آف ریونیو بھی ملاقات میں موجود تھے۔

معاہدوں کی تفصیلات

ذرائع کے مطابق پاکستان اور بنگلادیش کے درمیان وزرائے سطح کے مذاکرات میں متعدد معاہدوں اور ایم او یوز پر دستخط ہوئے، معاہدے میں سفارتی و سرکاری پاسپورٹ ہولڈر کے لیے ویزا فری انٹری بھی شامل کیا گیا۔ معاہدے میں فارن سروسز اکیڈیمیزمیں تعاون، آئی ایس ایس آئی اور بنگلہ دیش سٹریٹحک اسٹڈیز انسٹیٹیوٹ کے درمیان تعاون کا معاہدہ شامل ہے، دونوں ممالک کے درمیان تجارتی فروغ کے لیے مشترکہ ورکنگ گروپ قائم کرنے کے معاہدے پر بھی دستخط ہوئے。