تحریک انصاف کا ضمنی الیکشن سنی اتحاد کونسل کے ٹکٹ پر لڑنے کا اعلان

پاکستان تحریک انصاف کا ضمنی انتخابات میں حصہ لینے کا فیصلہ

اسلام آباد (ڈیلی پاکستان آن لائن) پاکستان تحریک انصاف نے ضمنی الیکشن سنی اتحاد کونسل کے ٹکٹ پر لڑنے کا اعلان کردیا۔

یہ بھی پڑھیں: امریکا جانے والے غیر ملکیوں پر 250 ڈالر کی اضافی ویزا فیس عائد

شیخ وقاص اکرم کا بیان

تحریک انصاف کے مرکزی ترجمان شیخ وقاص اکرم نے ایکس پر اعلان کرتے ہوئے کہا "پاکستان بھر میں تحریک انصاف کے حمایت یافتہ امیدوار جو کہ حالیہ ضمنی انتخابات میں حصہ لے رہے ہیں انہیں پارٹی کی طرف سے یہ ہدایت کی جاتی ہے کہ وہ اس الیکشن کو سنی اتحاد کونسل کے ٹکٹ پر لڑیں گے۔"

یہ بھی پڑھیں: بجلی صارفین کیلئے خوشخبری، بنیادی ٹیرف میں کمی کا اعلان

سیاسی کمیٹی کا اجلاس

اس سے قبل تحریک انصاف کی سیاسی کمیٹی کا اجلاس ہوا جس کے اعلامیے کے مطابق تحریک انصاف کی سیاسی کمیٹی کے اجلاس میں تمام ممبران نے شرکت کی اور ملک کی مجموعی سیاسی صورتحال پر تفصیلی غور و خوص کیا۔ اجلاس میں چیئرمین عمران خان کی ہدایات کے مطابق مختلف امور پر مشاورت کی گئی۔

عمران خان کی ہدایات اور امیدواروں کا انتخاب

اعلامیے کے مطابق عمران خان نے ضمنی انتخابات میں حصہ لینے کے معاملے کو سیاسی کمیٹی کے سپرد کیا تھا۔ سیاسی کمیٹی کے اراکین نے تفصیلی مشاورت کے بعد فیصلہ کیا ہے کہ پنجاب اسمبلی کے صوبائی حلقے پی پی-87 سے مُنزا فاطمہ اور احمد محمد چٹھہ کے قومی اسمبلی کے حلقے این اے-66 سے عین احمد پاکستان تحریک انصاف کی امیدوار ہوں گی۔ جبکہ باقی نشستوں پر ہونے والے ضمنی انتخابات کے امیدواروں کے بارے میں پارٹی جلد فیصلہ کرے گی.