ستھرا پنجاب کے تحت کوڑا ٹیکس عائد، فی گھر کتنی رقم وصول کی جائیگی؟جانیے

پنجاب میں کوڑا ٹیکس کا نفاذ

لاہور(ڈیلی پاکستان آن لائن) پنجاب حکومت نے ستھرا پنجاب کے تحت کوڑا ٹیکس عائد کردیا جسے ابتدائی مرحلے میں پوش اور کمرشل علاقوں پر نافذ کیا گیا ہے۔

یہ بھی پڑھیں: سیاسی زلزلے آ رہے ہیں، نوبت سول نافرمانی کی کال تک کیوں پہنچی، سوال لاشیں ملنے کا نہیں عوام میں غم وغصے کا ہے، گیم کا ٹیمپو سلو کون کرے گا۔۔؟

ٹیکس کی تفصیلات

تفصیلات کے مطابق پنجاب کابینہ کی منظوری کے بعد ستھرا پنجاب کے تحت کوڑا ٹیکس نافذ کیا گیا ہے۔ شہری علاقوں میں 5 مرلہ گھر پر 300 جبکہ دیہات میں 200 روپے کوڑا ٹیکس لیا جائے گا۔ شہروں میں 5 سے 10 مرلہ گھر سے 500 جبکہ دیہات میں فکس 200 روپے وصول کیے جائیں گے۔ 10 مرلہ سے ایک کینال والے گھر پر ایک ہزار روپے جبکہ دیہاتوں میں 400 روپے کوڑا ٹیکس وصول کیا جائے گا۔ اسی طرح دو سے چار کینال گھر سے 2 ہزار روپے اور 4 کینال سے اوپر گھر سے 5 ہزار روپے کوڑا ٹیکس لیا جائے گا جبکہ دیہاتوں میں 2 کینال سے اوپر گھروں سے 400 روپے ٹیکس نافذ کیا جائے گا۔

یہ بھی پڑھیں: ڈونلڈ ٹرمپ یا کملا ہیرس کی کامیابی کے لیے دس ممکنہ وجوہات

دکانوں پر عائد کردہ ٹیکس

دوسری جانب شہروں میں چھوٹی دکانوں سے 500 جبکہ دیہاتوں میں 300 روپے، شہروں میں درمیانے درجے کی دکانوں سے 1000 جبکہ دیہاتوں میں 700 روپے کوڑا ٹیکس لیا جائے گا۔

بڑی کاروباری مراکز کے لئے ٹیکس

بڑی کاروباری مراکز سے 3 ہزار جبکہ دیہاتوں سے 2000 روپے وصول کیے جائیں گے۔ ایل ڈبلیو ایم سی نے باقاعدہ کوڑا ٹیکس کی تقسیم شروع کردی جبکہ بلوں کی تقسیم و وصولی ایل ڈبلیو ایم سی کی ریونیو اور آپریشنل ٹیم کرے گی۔