بھارت کا پاکستان سے دوسرا رابطہ، توی کے بعد ستلج میں پانی چھوڑنے کی اطلاع

بھارت کا پاکستان سے رابطہ

اسلام آباد(ڈیلی پاکستان آن لائن) بھارت نے مئی میں جنگی صورت حال کے بعد پاکستان سے دوسرا باقاعدہ رابطہ کیا ہے اور دریائے ستلج میں مزید پانی چھوڑنے کی اطلاع دی ہے۔

یہ بھی پڑھیں: بھارتی قابض افواج نے مقبوضہ کشمیر میں مزید 43 چوکیاں قائم کر لیں، ہر چوکی میں کتنے اہلکار تعینات کیے۔۔؟ جانیے

پانی کی آمد کی اطلاع

نجی ٹی وی چینل دنیا نیوز کے مطابق بھارتی ہائی کمیشن کی طرف سے پاکستانی حکام کو دریائے ستلج میں مزید پانی کی آمد سے آگاہ کیا گیا۔ اطلاع کے مطابق بھارت ہری کے پتن سے دریائے ستلج میں مزید پانی چھوڑ سکتا ہے۔

یہ بھی پڑھیں: وزیراعظم سے ریٹائر ہونے والی وفاقی سیکرٹری اطلاعات و نشریات عنبرین جان کی الوداعی ملاقات، خدمات پر خراج تحسین پیش کیا گیا

پاکستان میں سیلاب کی صورت حال

واضح رہے کہ ستلج میں سیلاب سے پہلے ہی پاکستان کے کئی شہر اور دیہات متاثر ہو رہے ہیں۔ ہزاروں لوگ بے گھر ہو چکے ہیں، ہزاروں ایکڑ پر کھڑی فصلیں تباہ ہو رہی ہیں، جبکہ مال مویشی کے نقصانات بھی بڑھتے جا رہے ہیں۔

یہ بھی پڑھیں: وہ باپ جس نے بیٹی کو ’افسر‘ بنانے کے لئے اپنا گھر اور رکشہ بیچ دیا

سرکاری رابطے کی تفصیلات

قبل ازیں مئی کی جنگ کے بعد بھارت نے گزشتہ روز پاکستان سے پہلی بار سرکاری سطح پر رابطہ کرتے ہوئے جموں کے مقام پر دریائے توی میں سیلاب کی اطلاع دی تھی۔

یہ بھی پڑھیں: وزیر داخلہ محسن نقوی کی سری لنکا کے سیکرٹری دفاع سے ملاقات

سندھ طاس معاہدہ

سندھ طاس معاہدے کی روشنی میں بھارت نے جموں کے مقام پر ممکنہ بڑے سیلاب کی باضابطہ اطلاع پاکستان کو دی ہے، جس کے بعد حکومت پاکستان نے الرٹ بھی جاری کر دیا۔

پہلے اور دوسرے رابطے کی اہمیت

یاد رہے کہ اس سے پہلے بھارت نے اعلان کیا تھا کہ اس نے سندھ طاس معاہدے پر عمل درآمد معطل کردیا ہے۔ مئی میں پاک-بھارت جنگ کے بعد یہ اپنی نوعیت کا پہلا بڑا رابطہ تھا اور آج دوسرا رابطہ ہوا ہے جس میں توی کے بعد ستلج میں پانی چھوڑنے کے متعلق آگاہ کیا گیا ہے.