میں ہر ایک ناراض سے جھک کر معافی کا خواستگار ہوں اور تسلیم کرتا ہوں کہ غلطیاں سو فیصد میری ہیں اور سب خوبیاں اُن کی ہیں: سہیل وڑائچ

سہیل وڑائچ کی معافی

لاہور (ڈیلی پاکستان آن لائن) سینئر صحافی سہیل وڑائچ برسلز میں آرمی چیف سے ہونے والی گفتگو کی منظر کشی اپنے کالم میں کرنے کے بعد خبروں کی زد میں ہیں جس کی ڈی جی آئی ایس پی آر کی جانب سے تردید بھی کی گئی۔ تاہم اب انہوں نے اپنے نئے کالم میں تمام ناقدین سے معافی مانگ لی ہے۔

یہ بھی پڑھیں: عامر محمود کی صحافتی خدمات ہمیشہ یاد رکھی جائیں گی: کراچی یونین آف جرنلسٹس کا اظہار تعزیت

غلطیوں کا اعتراف

سہیل وڑائچ کا اپنے کالم میں کہنا ہے کہ مجھے حالیہ واقعات پر افسوس ہے کہ ایک خبر نگار خود خبر بن گیا، ہمارا نہ یہ کام ہے اور نہ ہی ہمیں یہ زیبا ہے۔ مقتدرہ، اہل سیاست، اہل صحافت سب کا رتبہ مجھ سے کہیں بڑھ کر اور عظیم ترین ہے، میں خود کو احقر ترین سمجھتا ہوں اور اپنی انا کو مارنے کیلئے کوشاں ہوں۔ میرے جیسے ایک بونے کا دیوئوں سے کیا مقابلہ؟ میں تو ہارے ہوئے لشکر کا آخری سپاہی ہوں۔

یہ بھی پڑھیں: مودی کے جنگی جنون کے خلاف بھارت کے اندر سے آوازیں اٹھنے لگیں، ارب پتی ہرش گوئینکا نے خبردار کردیا

فضہ علی سے معافی

میری پہلی معافی فضہ علی سے ہے۔ میرا کیا مقام اور مرتبہ کہ میں ان کی کسی بات کو جھٹلاؤں۔ انہوں نے مجھے واش روم دھونے والا کہا، سر تسلیم خم، میں تو خاکروب ہوں اور اسی خطاب پر قانع ہوں۔ میری معافی اس لیے بنتی ہے کہ میری حمایت میں کچھ لوگوں نے فضہ علی کی شان میں گستاخی کی۔ میں ہاتھ جوڑ کر ان سے معذرت خواہ ہوں۔

یہ بھی پڑھیں: خیبر پختونخوا میں گورنر راج لگانے کی حمایت نہیں کرتے، مولانا فضل الرحمان کا بیان

حماد اظہر کا مشورہ

اسی سلسلے میں عزیزم حماد اظہر نے مجھے مشورہ دیا ہے کہ میں چونکہ معافی تلافی کی ہمیشہ حمایت کرتا ہوں تو سیدھی طرح مقتدرہ سے معافی مانگ لوں۔ میں نے جو بھی غلطیاں کی ہیں ان سب کا اعتراف کرتے ہوئے انہیں راضی کرنا چاہتا ہوں۔

یہ بھی پڑھیں: نیپال میں پرتشدد مظاہرین نے سابق وزیراعظم کی اہلیہ کو زندہ جلا دیا

فیصل واوڈا سے معافی

فیصل واوڈا کا میں ذاتی طور پر مداح ہوں۔ وہ بھی فرینڈلی فائر کی زد میں آگئے ہیں حالانکہ انہوں نے مجھے ہمیشہ عزت دی۔ مجھے ان سے شکایت پیدا ہوئی، اس پر بھی معذرت۔

یہ بھی پڑھیں: بشریٰ بی بی کے بیان میں سعودی عرب کا ذکر تک نہیں، ذلفی بخاری کی وضاحت

شہباز گل کے لیے شکرگزاری

شہباز گل میرے دیرینہ مہربان ہیں اور ان کا بھی شکر گزار ہوں۔ مجھے ان کے ساتھ اختلاف رہا ہے لیکن انہوں نے مجھے کبھی بھلایا نہیں۔ ان سے بھی معذرت اور معافی۔

یہ بھی پڑھیں: آسمان سے گرے کھجور میں اٹکے، آئی ایم ایف نے تنخواہ دار طبقے کے لیے ٹیکس کی شرحوں میں کمی پر اعتراض اٹھا دیا

تحریک انصاف کے حامیوں سے معافی

تحریک انصاف کے ہر چھوٹے بڑے جو اکثر ناراض رہتے ہیں ان سے معافی۔ سیاسی اختلاف کو ذاتی اختلاف نہیں سمجھنا چاہئے۔

یہ بھی پڑھیں: سیالکوٹ؛ قبرستان سے 2 بچوں کی لاشیں برآمد

جنرل احمد شریف چوہدری سے معافی

سب سے آخر میں اور سب سے اہم معافی جنرل احمد شریف چوہدری صاحب سے ہے۔ انہیں مجھ سے گلہ ہوا حالانکہ میری کوئی ایسی نیت نہیں تھی۔

اختلاف کرنے والے صحافیوں کا مقام

مجھ سے اختلاف کرنے والے صحافی بھائیوں میں سب کا مقام مجھ سے بڑا ہے۔ میں خود ذاتی طور پر ان کا ممنون ہوں کہ انہوں نے مجھے یاد رکھا۔ اگر کسی کے دل میں میرے رویّے یا کسی فقرے سے رنج پیدا ہوا ہے تو اس کیلئے ان سب سے معذرت اور معافی۔