پی ٹی آئی گرینڈ ڈائیلاگ چاہتی ہے تو سپیکر کی آفر قبول کرے: طلال چودھری

وزیر مملکت برائے داخلہ طلال چودھری کا بیان

اسلام آباد( نیوز ڈیسک ) وزیر مملکت برائے داخلہ طلال چودھری نے کہا ہے کہ پی ٹی آئی گرینڈ ڈائیلاگ چاہتی ہے تو سپیکر کی آفر قبول کرے۔ 9 مئی کو علیمہ خان کا بیٹا حسان نیازی کے ساتھ موجود تھا لہٰذا اسے شواہد کے ساتھ گرفتار کیا گیا۔

یہ بھی پڑھیں: کولوسس اور ایکس اے آئی: وہ پراسرار سپر کمپیوٹر جو چلانے کے لیے 10 لاکھ گیلن پانی اور 150 میگا واٹ بجلی کا محتاج ہے

9 مئی کے واقعات اور گرفتاری

’’جیو نیوز‘‘ کے پروگرام’’ جیو پاکستان‘‘ میں گفتگو کرتے ہوئے طلال چودھری نے کہا کہ 9 مئی کو علیمہ خان کا بیٹا حسان نیازی کے ساتھ موجود تھا، پولیس نے شواہد اکٹھے کرکے گرفتاریاں کیں۔ پی ٹی آئی ٹارگٹ نہیں بلکہ ٹارگٹ وہ لوگ ہیں جنہوں نے قانون توڑا ہے جب کہ پی ٹی آئی کو بھی کہا ہے کہ ان لوگوں سے لاتعلقی کریں جنہوں نے قانون توڑا ہے۔

یہ بھی پڑھیں: نیتن یاہو کو بچائیں گے، ٹرمپ کرپشن الزامات میں گھرے اسرائیلی وزیراعظم کے دفاع میں آگئے۔

سپیکر قومی اسمبلی کی آفر

سپیکر قومی اسمبلی کہہ چکے کہ گرینڈ ڈائیلاگ کے لیے قومی اسمبلی اور سینیٹ موجود ہے۔ سپیکر قومی اسمبلی یہ بھی کہہ چکے کہ بات چیت کے لیے ان کا آفس بھی کھلا ہے، پی ٹی آئی گرینڈ ڈائیلاگ چاہتی ہے تو سپیکر کی آفر قبول کرے۔

ضمنی انتخابات کے حوالے سے طلال چودھری کا جواب

پی ٹی آئی ارکان کی نااہلی کے بعد خالی نشستوں پر ضمنی انتخابات سے متعلق سوال پر وزیر مملکت برائے داخلہ طلال چودھری نے جواب دیا کہ ضمنی الیکشن میں جو بھی عوام کا فیصلہ ہوگا ہم قبول کریں گے۔